Google News - Top Stories

Healthy
Stories
Life-Style
COPY CODE SNIPPET

More News

Jinsi Ya Kupunguza Uzito kwa Kutumia Kinywaji cha Tangawizi.


Vipo vinywaji vingi sana vyenye sifa za kupunguza uzito au kukata mafuta mwilini. Lakini kama nilivyoonyesha kwenye nakala yangu nyingine juu ya Nguvu ya Tangawizi mwilini”,  leo nitakupa siri ya kutumia Tangawizi Kupunguza Uzito.


Mahitaji.
*Maji
*Tangawizi
* Limao {Ukipenda}

Uandaaji.

Chemsha Maji yako, kisha ongeza Tangawizi ambayo utakuwa umetwanga. Acha ichemke kwa muda, kisha uitoe jikoni. Waweza kuinywa kama chai, bado ikiwa ya moto bila ya kuongeza Sukari. Na kuweka maji ya Limao kiasi, kama utapenda. 

Hakikisha unaweka Tangawizi ya kutosha. Ladha ya Tangawizi isikike kwenye Maji.

Wakati Gani wa Kuinywa?
*Usiku Wakati wa Kwenda kulala :- Kwa kuwa Tangawizi inasaidia kusaga chakula mwilini huku ikiyeyusha mafuta, ni vyema kinywaji hicho kukinywa wakati unakwenda kulala, ili isikufanye ukasikia njaa, na kushawishika kula tena. Cha msingi ni kulala ukiwa unauhakika wa chakula ulichokula kwa siku nzima, kitasagwa na kutolewa uchafu wote ambao hautahitajika mwilini. Na

*Asubuhi kabla ya Kifungua kinywa :- Soma faida ya Tangawizi kwenye nakala yangu iliyopita. {Je, Wajua Nguvu Ya Tangawizi?}

Quick Healthy Snack{Yogurt Parfait}....With Trinas






Mzoezi Ya kukata Kitambi

Katika harakati ya mazoezi yangu, 🏋️‍♀️nilipata aina hiyo ya mazoezi kwa ajili ya Tumbo. Ni rahisi, unaweza fanya popote hata chumbani dakika chache kabla ya kuoga baada ya mazoezi yako ya kila siku.

Wataalamu wanashauri kupumzika siku moja ili kuipa misuli muda wa mapumziko na kupona kabla hujaendelea.

Mara 3 mpaka 4 kwa week, siyo mbaya.

Muhimu kuongeza umakini katika kila kiingiacho tumboni 🍔🍟🍨👈🙄🤔☠☠.....ili kuona matokeo ya haraka.💪

Nitatuma tena, aina ya vinywaji vya kunywa 🥃🥃kabla ya kwenda kulala vinavyosaidia kupunguza Tumbo.

{1 cor 6:9 Miili hii ni hekalu la Roho Mtakatifu} 
Vizuri kuitunza

Today's Tip

Mara nyingi inakuwa rahisi kutupa lawama kwa mtu au mazingira ili tu kujipa amani na kujifariji moyoni. Lakini ukweli inakuwa ni uvivu wa kufikiri au kutojijua kibinafsi. Uwezo Mungu alioweka ndani yako. Iwe wa kufikiri au kutenda. Na kutaka mtu au watu wahusike kwenye maisha yako hasa unapopitia kipindi kigumu.  Wanaposhindwa kutimiza mategemeo yako, hugeuka kuwa adui.

NIVIZURI👇👇👇




*STOP JUDGING AND EVALUATING YOURSELF.*


Reality

Mahusiano Mengi yanavunjika kirahisi tu kwa kuwa hujengwa kwenye hisia. Ni lazima kujua kila mahusiano yanatakiwa kuwa na mizizi Imara. Iwe ni mahusiano ya kimapenzi au ya kawaida tu. Ya undugu au ujirani. Yote yanatakiwa kujengwa katika msingi ambao unajua hautavunjika kwa hisia. iwe kukwazana kwa namna yeyote ile. Kuna umuhimu wa Kumtanguliza Mungu katika kila uhusiano.


*My Past* Sehemu ya 45.

*My Past*
Sehemu ya 45.
Elvin alimkuta Bella ameinama kwenye meza, akilia. “Don’t cry mommie.” Tito aliyekuwa mkorofi kule ofisini kwa Elvin, ni tofauti kabisa na huyu aliyerudi ofisini kwa mama yake na kumkumbatia Bella. Mpole na mnynyekevu “Bella! Vipi?” Elvin alimsogelea. “Bella!” Bella aliendelea kulia. “Naomba ukalete maji, Tito.” Bila kubisha, Tito alikimbia kwa haraka ofisini kwa Elvin kwenda kuchukua chupa ya maji kwenye friji. Alikumbuka ndio kitu kilichokuwa kimempeleka tokea mwanzoni lakini akaishia kugombana na Elvin.

“Vipi Bella? Una nini? Naomba unyamaze tuzungumze. Unamtia wasiwasi Tito.” Bella alijipangusa machozi, akajaribu kukaa vizuri kwa kuegemea kiti, huku akijaribu kuvaa viatu ili asimame, hapo hapo alipotelea gizani, akaanguka.

Bila kupoteza muda, Elvin alimbemba na kumkimbiza hospitalini, na Tito akiwa pembeni ya mama yake. Na hapo ndipo Elvin alipomuona vile alivyokwisha zaidi na kupasuka midomo. Hofu ilimuingia, asijue nini kimempata. Akakumbuka maneno ya Masha alimwambia hajui kumtunza Bella. “Anawezaje kukonda hivi mbele yangu nisimuone? Anaonekana anaumwa. Midomo imepasuka mpaka vidonda! Ipo sehemu nazembea kwa Bella. Inabidi kuongeza umakini.” Elvin aliendelea kuwaza. “Lakini alikuwa akinikwepa. Ningejuaje?” Kidogo alijitetea kwa nafsi yake kama kujifariji. Lakini alijua wazi kama Masha angekuwepo, angeshajua.

Bella alipokelewa na kuingizwa kwenye chumba cha mapokezi. Daktari alimwambia Elvin kuwa anaonekana hali. Amekaukiwa sana. Kitu cha kwanza anatakiwa dripu ya maji. Akawekewa maji yaliyokwenda kwa haraka. Baada ya muda akazinduka. Elvin na Tito walikaa pale wakisubiria majibu ya vipimo alivyochukuliwa Bella. Dripu ya kwanza ilipoisha akahamishiwa wodini, ambako alipewa chumba chake, nakuwekewa dripu nyingine. Daktari alishangaa pale Bella alipomwambia hakumbuki ni lini amekula, kwani anatapika sana. Kabla hajamaliza kujieleza, akatibuka tena na kuanza kutapika kwa maumivu makali sana. Bella alikuwa akilia kwa uchungu. Hakuna kilichokuwa kikitoka, lakini alishindwa kujizuia. Aliendelea kutapika kwa shida. Wazo la haraka likamjia Elvin. Akamminya mbavu kwa nguvu. Kwa hiyo wakati akihangaika kutoa kitu tumboni, Elvin aliendelea kummninya mbavuni, kidogo alipata ahueni.

Daktari akaagiza nesi amchukue tena Bella kwa kipimo kingine cha ultrasound. Nesi akamtoa pale wodini na kumpeleka chumba cha ultrasound ambako alianza tena kutapika. Elvin alimshika tena mbavu wakati akitapika. Ilimsaidia. Angalau akawa akitapika bila maumivu makali ya mbavu. Ilibidi yule daktari aitwe tena. Akaagiza nesi amchome sindano yakuzuia kutapika. Kidogo Bella akatulia na kulala. Baada ya kipimo akarudishwa tena wodini akiwa amelala.

 Elvin alibaki pale wodini akiwa ameduwaa asijue kama Bella alikuwa hali na ndio alikuwa akiteseka vile peke yake. ‘Daah! Itabidi nibadilike jinsi ninavyomjali Bella. Niwe kama Masha. Kwa hakika kuna mahali nazembea. Wakati wote huwa anateseka peke yake wakati mimi nipo naye. Nisipofanya hivyo, nitamtesa sana Bella. Na sasa hivi mimi ndio nimebaki naye. Lazima nimjali.’ Elvin aliendelea kuwaza wakati Bella amelala.

**************************************************

“Ulisema wewe ndiye mume wake?” Daktari aliingia nakumkuta Elvin amevuta kiti amekaa pembeni ya Bella akimtizama. Tito alikuwa amekaa kwenye kochi ameinamia iPad yake. “Ndiyo.” Elvin alijibu kwa haraka. “Si unajua kama ni mjamzito?” Elvin alibaki kimya akiwa ameduwaa. “Hakuna tatizo jingine lolote, isipokuwa ni hali ya ujauzito tu. Na kwa kuwa yupo kwenye first trimester, hii ni hali ya kawaida kabisa. Akimaliza hii miezi mitatu ya mwanzo hali yake inaweza kubadilika kidogo. Akaweza hata kula. Ila nashauri leo apumzike hapa. Aendelee kupata maji na nitampa dawa ya kupunguza kichefuchefu. Atakuwa sawa tu.” Elvin alikuwa ametulia kama anayeimbiwa na malaika mbinguni.

Moyo wake ulijaa furaha, akabaki na tabasamu. Yule daktari alimtizama kwa muda akifikiria kama amemuelewa. “Una swali?” “Unauhakika kuwa ni mjamzito?” “Mbona ni zaidi ya miezi miwili sasa? Majibu ya ultrasound yameonyesha ana week 10.” Elvin alianza kucheka huku anakuna kichwa. “Siamini kama nazaa na Bella.” Elvin alijisahau akawa anaongea huku anacheka cheka. “Pongezi bwana. Naona umepata habari njema.” Yule daktari aliongeza baada yakumuona Elvin amefurahi sana. “Sana ndugu yangu. Sijawahi pata habari njema kama hizi tokea nazaliwa. Nazaa na Bella!?” Elvin bado alihisi yupo ndotoni. “Umesema mtoto na yeye wote wapo salama?” “Wote wapo salama, lakini anahitajika kula vizuri. Hana damu yakutosha. Ni vizuri mtafute ushauri kwa daktari wa kina mama, atawashauri vizuri.” Elvin alishavuta kiti pembeni, akasimama. Akabaki akimtizama Bella huku akicheka.“Asante Mungu wangu. Umeniona.” Yule daktari aliamua kuondoka, maana alijua hakuna atakachoeleza kwa siku ile Elvin akamuelewa tena. Bella alilala, karibia siku nzima.

**************************************************

“Jamani Ric wangu!” Bella alishtuka kutoka usingizini. “Bella!” Elvin alimgusa. Alijiangalia mkono wake akamwangalia Elvin na kumuona Tito ametulia kwenye kochi akichezea michezo yake. “Vipi?” “Nilimuahidi Ric, ningempigia tuongee. Naomba mpigie niongee naye. Atakuwa na wasiwasi sana.” Wakati wapo njiani wakielekea hospitalini, Tito alimtumia ujumbe Ric kumwambia mama yao ni mgonjwa, wapo njiani wanampeleka hospitalini. Ndipo Ric alipopiga simu kwa kutumia simu ya Tito na kusisitiza nilazima aongee na mama yake lasivyo anawafuata. Bella alimtuliza akiwa mapokezi na kumwambia hakuwa mgonjwa sana na jioni atakwenda kumchukua ofisini kwake. Lakini Ric alisisitiza akishaonana na daktari ampigie ili amjulishe nini kinachomsumbua, Bella alisahau, akalala mpaka hapo anaposhtuka sasa.

Elvin alimpigia simu Ric akampa azungumze na mama yake. Bella alimsikia analia. “Am fine sweetheart. I promise.” Ric aliendelea kulia. “You don’t have to cry, baby. I will see you soon.” Bella aliendelea kumbembeleza lakini akaona Ric anaendelea kulia. Akakata ile simu. Akakaa. “Unaenda wapi?” Elvin alishtuka kuona Bella anataka kushuka kitandani na sindano ya dripu mkononi. Alishaanza kutoa plasta zilizokuwa zimeshikilia sindano ya dripu. “Naondoka. Lazima niondoke Vin. Sasa hivi naomba nirudishe nikamuone Ric. Mwanangu analia, eti mimi nimelala tu hapa nabembelezea sindano mkononi. Mimi sio mgonjwa. Wanangu wananihitaji. Naondoka.” Bella alishapaniki. “Tulia kwanza Bella.” “Hapana Vin. Naondoka.” “Bella!?” “Siwezi kubaki hapa Vin. Wanangu wanakuwa na wasiwasi.” “Nakuomba tufuate ushauri wa daktari. Sitaki tuhatarishe maisha yako na ya mtoto.” Bella alishtuka sana. Hakujua kama Elvin alishajua. Alirudi kukaa, akanyamaza.

 “Majibu yalitoka na daktari amesema huna damu mwilini. Na miezi hii ya mwanzo lazima tuwe waangalifu, ili tusije poteza mtoto. Mwili wako hauna nguvu Bella. Unahitaji hayo maji.” Bella alianza kutokwa na machozi. “Kwa nini hukuniambia?” “Ningekwambia nini wakati ilikuwa bahati mbaya.” “Daah! Naomba usirudie hilo neno hata siku moja. Huyu mtoto sio wa bahati mbaya hata kidogo. Nimeshaomba mpaka nimekata tamaa. Mungu amesikia kilio changu. Hayo ni majibu ya maombi niliyoomba kwa kufunga. Nilimlilia Mungu mpaka nikajua ameniacha. Mungu amenikumbuka Bella.” Elvin alijawa na furaha mpaka Bella alimuona.

“Elvin wewe? Tutamwambia nini baba?” “Kwani yeye ndiye baba wa mtoto? Naomba uniache nifurahie mwanangu. Kwanza wewe ulijua lini?” “Muda mrefu sana. Nikaingiwa na hofu kubwa. Halafu sikujua kama ungefurahi hivyo, na bado ninahofu na baba. Naomba usimwambie kitu chochote, mimi mwenyewe nitatafuta jinsi ya kumwambia.” Elvin aliendelea kufurahia wakati Bella anamshangaa.

“Nazaa na Bella! Siamini.” “Elvin!” Bella alimshtua. “Ninafuraha yakupitiliza. Sina jinsi yakueleza mtu akaelewa.” Bella alibaki akimtizama. “Unakumbuka uliniahidi kunizalia watoto mpaka niseme basi?” “Kwa nini humuwazii baba?” Bella alimuona yupo ulimwengu wake. Akaona amuache tu kwa muda. Kisha akamkumbuka mwanae.
“Ric! Naomba tuondoke Elvin. Ric wangu analia” “Hapo hautoki Bella. Ngoja mimi nikamtulize Ric.” “Lakini chonde, Elvin. Usimwambie chochote baba. Mwambie nimeenda kupumzika mahali, nitarudi kesho.” “Wewe unamjua asivyoweza kuishi bila wewe pale ndani. Leo lazima atakuulizia tu. Hawezi ona narudisha watoto bila wewe.” “Ndio maana nakwambia heri turudi wote nyumbani.” “Wee. Acha kabisa Bella. Uniulie mwanangu sababu ya mahusiano yako na baba yako!? Nimekwambia hapo hutoki, mpaka uruhusiwe, Bella.” “Elvin wewe!?” Bella alishangaa. “Sikutanii, Bella. Nishapoteza watoto wawili kwa uzembe. Huyo mbona atazaliwa na nitalea mwenyewe. Sitaki utani.” “Basi tafuta jinsi yakumtuliza baba endapo atauliza.” “Hapo sawa, si vinginevyo.” Bella alimshangaa Elvin alivyo furahi. Alibaki akizunguka mle ndani ya kile chumba. Akiongea mwenyewe.

Naomba ukamchukue mtoto, Vin. Na huyu akalale. Atakuwa amechoka na njaa inamuuma.” “Nilimnunulia soda akanywa. Lakini alikataa chakula na keki. Amesema ataugua akila.” Bella alitingisha kichwa na kucheka akimuhurumia. “Njoo T, mwanangu.” Bella alimkumbatia. “Are you going to be fine or you are going to die like dad?” “Hapana Tito. Nilikuwa nashindwa kula vizuri ndio maana nilianguka.” “Why?” “Nitakwambia wewe na Ric, nikitoka hapa.” “You know I cant sleep without you mommie.” Bella alimuhurumia sana mwanae.

“I will sleep here on the couch. Right besides you mommie.” “Naomba ujaribu kwenda kulala na Elvin. Si unampenda?” Bella alimuongelesha kwa upendo akiwa amemkumbatia pale kitandani. “Utakuwa sawa tu. Nenda kajaribu kulala nyumbani kwake. Ukishindwa, atakurudisha.” “Promise?” Tito alimgeukia Elvin. “I promise. Usipopenda chumba nitakachokupa, na ukashindwa kulala mpaka asubuhi, nitakurudisha kwa mommie wako.” Tito alinyamaza kwa muda. “I love you so much, mommie. I wish we could go back together.” Tito alianza kulia. “Usilie T. Nitapona na kesho nitakuwa na wewe. Kwanza asubuhi ukiamka tu, Elvin atakurudisha hapa.” “Okay.” Bella alimbusu, wakaondoka. Tito hakuwahi kulia hata mara moja kipindi baba yake anaugua. Lakini leo mama yake ni mgonjwa na anaongea na kucheka, kwake ni tatizo.

***************************************************

Elvin alirudi na watoto, alipoingia tu Mzee Mwasha akauliza. “Bella yuko wapi?” Elvin alishtuka sana. Hakutegemea swali lile kwa haraka. Alianza kigugumizi huku akimwangalia baba yake na mama yake kwa zamu. Eli akabaki anamshangaa. “Bella?” Kwanza alianza kwa kumuuliza swali baba yake. “Ndiyo, Elvin. Nimekuulizia Bella yuko wapi?” Mwasha alijibu na kuuliza tena.“Bella! Bellaaaaa.” Kama anayefikiria nakufanya wote wamgeukie vizuri. Aliingiza mikono mfukoni akatoa huku akiendelea kuwaza. “Bellaaaa. Mmmmh!” Elvin alirudia tena. Mama yake alikaa vizuri. “Wewe Elvin! Bella yuko wapi?” “Mbona mnawasiwasi?” “Hatukuwa na wasiwasi mpaka wewe ulipotutia wasiwasi.” Mama yake alijibu tena. “Msiwe na wasiwasi. Sasa mnawasiwasi gani? Bella yupo.” Elvin alijibu na tabasamu. “Usinizungushe Elvin. Niambie Bella alipo.” Mzee Mwasha alimkazia sauti kidogo. “Bella…” Akatulia kidogo, ndipo akakumbuka alivyoambiwa na Bella ajibu endapo ataulizwa. “Yupo mahali atarudi kesho. Hapana. Ameenda mahali kupumzika, atarudi kesho.” Elvin alijibu kwa kujikanyaga kanyaga sana. Wote wakakunja uso.

“Bella anaenda kupumzika mahali bila watoto wake!?” Mama yake akauliza. “Ndiyo.” Akajibu kwa haraka. “Mahali gani?” Mzee Mwasha aliuliza tena. “Amesema nisiseme.” Mzee Mwasha alikunja uso. “Bella anakwenda sehemu ambayo hataki mimi niijue!? Ni wapi huko?” “Baba!! Amesema nisikwambie. Tena hasa wewe.” Wakamuona Mzee Mwasha anasimama bila yakuongeza neno. Akaingia ndani baada ya muda mfupi sana akatoka akiwa amevaa viatu na funguo za gari mkononi. “Bella halali nje ya nyumba hii, bila taarifa yangu. Kwa kuwa umeshindwa kupatamka, nipeleke.” Mzee Mwasha alimsimamia mwanae.

Elvin hakuamini. “Baba jamani! Kwa nini usimsubiri kesho atarudi, halafu mkazungumza?” “Unanipeleka au umegoma?” “Nakupeleka baba yangu.” “Na mimi nataka nikamuone mama yangu. Sikujua kama watamlaza huko hospitalini.” Ric naye akaingilia na kumshtua Mzee Mwasha. “Siwezi kulala mpaka niwe nimemuona.” Ric aliongeza. “Alaa! Bella amelazwa halafu hutuambii!? Wewe Elvin vipi?” “Amesema nisiwaambie jamani. Kesho anaruhusiwa.” Elvin alijibu, nakumkasirisha Mzee Mwasha zaidi. “Usiwahi tena kurudia upuuzi wa namna hiyo, Elvin. Umenielewa?” “Samahani baba.” Mzee Mwasha alitoka nje.

“Let me go wear my PJ first. I want to go to sleep with my mom.” “Wewe Tito si umemkubalia mama yako, na kumwambia tunalala wote leo?” Elvin alimshangaa Tito alivyobadilika na kufurahia safari yakurudi kwa mama yake. “I changed my mind. I want my mommie.” Tito alijibu na kukimbilia ndani kwenda kubadilisha nguo zake, avae zakulalia.

 “Hukufanya vizuri Elvin. Bella hawezi kulazwa halafu usituambie.” “Kosa sio langu, mama. Bella ndio amenilazimisha.” “Mwambie baba yako anisubiri, nikajiandae twende wote. Na mimi nataka nikamuone Bella.” “Naomba mtume Eli akamwite, mama. Si umemuona jinsi alivyonikasirikia?” Eli akasimama nakwenda kumwita baba yake. Mwasha akarudi ndani, kumsubiri mkewe.

***************************************************

Walifika hospitalini wakamkuta na JJ akiwasubiri nje. “Duuu! Bella atachanganyikiwa. Wote nyinyi!” “Mimi nilikuwa najiandaa kutoka ofisini, mama ndio kanipigia, akasema tukutane hapa hospitalini, Bella mgonjwa. Mbona kama Mzee kanuna?” “Dogo alificha kama Bella kalazwa. Mzee amemmind kweli.” Eli alijibu lakini Elvin alikuwa akicheka tu, nakushangaza kaka zake. “Wewe vipi? Yaani Bella anaumwa, wewe unacheka! Kweli umemchoka mtoto wa watu.” Mzee Mwasha alipoona wanaongea wenyewe, Elvin hawaonyeshi chumba alicholazwa Bella, akawasogelea akiwa na mkewe. “Naomba uniambie chumba alicholazwa.” “Si tunaenda wote, baba?” “Naona mnaongea tu.” Mzee Mwasha hakuonekana kucheka hata kidogo. Elvin aliongoza njia. Walimkuta Bella amelala.

Mzee Mwasha alimsogelea akamshika kichwa kama kuangalia homa. “Hana joto. Hayo maji ni ya nini?” Elvin kimya. “Kwanza hujatuambia Bella anaumwa nini?” Mama yake alidakia. “Bella? Bellaaaa.” Elvin alianza tena mpaka akamshtua Bella kutoka usingizini. Alipomuona Mzee Mwasha, alistuka sana. Akatoa mto kichwani mwake, akajifunika usoni, nakuanza kulia. “Pole Bella mwanangu. Pole sana. Unajisikiaje?” Bella hakujibu aliendelea kulia. Tito alipanda kitandani kwa mama yake na vifaa vyake, akaendelea na kazi zake bila kuongea chochote.

“Kwani Dogo leo vipi? Mbona simuelewi?” JJ aliuliza. “Mimi ndio kanichanganya kabisa. Njia nzima anapiga mluzi. Sikuamini kama kweli anatuleta hospitalini alipo Bella. Mimi nilijua anamzuga Mzee.” Eli alijibu huku wote wakishangaa, lakini Elvin yeye alicheka. “Unazidi kumuuzi Mzee, Dogo. Leo vipi?” JJ alizidi kuuliza kwa sauti ya chini.

Mara mlango ulifunguliwa, alikuwa daktari aliyekuwa amewapokea tokea mwanzo. “Basi nitarudi baadaye. Nilipita tu kumwangalia.” Yule daktari akataka kutoka. “Hamna shida. Mimi ni baba yake Bella. Nataka kujua anaendeleaje?” Yule daktari alirudi ndani na kufunga mlango. “Shikamoo Mzee. Najua huyu ndiye mama yetu. Shikamoo mama.” Wote aliwapa mkono. Wakaitika. “Bella na mtoto, wote wapo salama. Kama nilivyomwambia mumewe, nikumkazania chakula na maji kwa wingi. Anaonekana hakuwa akila kabisa, lakini nashauri akitoka hapa, akaonane na daktari wa wakina mama na nivema kuanza kliniki mapema. Ni nzuri kwake na mtoto.” Chumba kizima kilitulia kwa muda, ikasikika sauti moja ya Eli na JJ, “Aaaaahhhaa!” Wakataka kucheka, lakini muonekana wa baba yao haukuwa wakucheka hata kidogo. “Asante sana dokta. Na nina shukuru kwa huduma ambayo mmempatia binti yangu.” Mzee Mwasha alimpa tena mkono. Bella bado alikuwa amejifunika na mto akilia.

Mwasha alitulia kidogo, akamgeukia Elvin. Eli na JJ wakarudi nyuma kama kumpa nafasi Mzee Mwasha na Elvin. “Kabla hujasema kitu chochote baba, ujue huyo mtoto nimekuwa nikimuomba kwa Mungu kwa muda mrefu sana. Sijawahi kupata kitu cha thamani kama huyo mtoto, na zaidi anatoka kwa Bella, mwanamke ninayempenda kwa moyo wangu wote. Na wote mnajua. Nakuomba baba yangu, uungane na mimi japo kwa siku ya leo tu, kufurahia hiki kitu Mungu amenifanyia. Tafadhali. Na nikukumbushe tu baba yangu, huyo mtoto huko tumboni anasikia kila kitu. Sitaki mwanangu ahisi kuwa hatakiwi hapa duniani.” Elvin alijikaza kiume mbele ya baba yake.

“Hongera sana mwanangu. Mimi najua ulivyokuwa ukimtaka huyu mtoto.” Kama kawaida ya mama yake, kumkingia kifua Elvin. “Asante mama.” Elvin alimpita baba yake kwa makini akaenda kumbusu mama yake. “Nimefurahi sana, mama. Nilijua Mungu ameniacha. Hata hivyo baba, Bella ni mke wangu. Kumbuka nilishamlipia mahari. Ndoa yetu ilisha tangazwa kanisani na…” Mzee Mwasha alimgeukia Bella bila kumjibu Elvin.

“Bella, mama. Naomba usilie kabisa. Huyo mtoto ni baraka yetu wote.” Elvin alikunja uso. “Sasa kwa nini usiniambie na mimi hivyo?” Elvin alilalamika. Mama yake akamtolea ishara anyamaze kimya. Bella alikaa akamkumbatia Mzee Mwasha huku akilia. “Samahani baba.” Bella aliendelea kulia huku amemuegemea Mzee Mwasha. “Tafadhalini jamani, huyo mtoto wangu anasikia. Angalieni kauli zenu hizo.” Elvin aliingilia wakati Bella akimlilia Mzee Mwasha. “Usiwe na wasiwasi. Kila kitu kitakuwa sawa. Naomba tumshukuru Mungu, kwa ajili ya hii zawadi ya huyu mtoto. Na kumkaribisha rasmi leo kwenye familia yetu. Wote tupo hapa kasoro Eno, tupo naye katika ulimwengu wa Roho. Tumzunguke Bella tushikane mikono.” Tito aliyejifanya yupo busy wakati wote na iPad yake kama hasikii wala kujua kinachoendelea, aliposikia kushikana mikono tu, akaingia ndani ya shuka alilojifunika mama yake kwa haraka sana. Hakuwa akiongea neno hata moja la Kiswahili, lakini alikuwa akielewa kwa sehemu kubwa, na kila neno ambalo alilisikia lakini hakuelewa, alilitafutia maana papo hapo kwenye simu au iPad aliyokuwa ameshika kwa wakati huo.

“Lazima tuombe Tito.” Bella alimfunua. “I don’t want to, mommie.” “Nilazima uombe. Kaa vizuri.” “But no touching.” “Utanishika mimi mkono na..” “No mommie. Only you. Ric didn’t take shower since he came back from work. And you know him. He touches everybody.” Tito alishabadilika. “Utamshika mkono, kisha utanawa. Huwezi kuugua kwa mara moja.” “How do you know, mommie? Please.” “Wote tunamshukuru Mungu kwa ajili ya mtoto anayekuja. Nakumkaribisha, wewe hutaki mtoto.” Tito alitabasamu. “If is a girl, she is going to be my sweatheart.” Bella alicheka. “Utamshika mkono?” Bella alimuuliza “Always. Cause I will be her big brother.” “Basi lazima ajue kama unamsubiri. Utamwambia kitu chochote?” Bella alimuuliza. “Yes, I want to tell her…” “No. You don’t have to tell me. Kaa, tuombe. Halafu babu atakupa nafasi na wewe uongee na mtoto.” Tito alifurahi sana. “I love you mommie. You know that, right?” “I know baby. Haya kaa tuombe.” Wote walikuwa wametulia wakisubiri Bella amalizane na mwanae.

Alitoka ndani ya shuka akakubali kushikwa mkono na mama yake, ambaye wakati wote mama yake alikuwa mtu msafi kuliko kila kitu kweke na Ric baada ya kunawa mikono na sabuni. “Thanks Ric.” Tito alishukuru nakumfanya Ric acheke.  Ilimbidi akae kati kati yao.

Mzee Mwasha aliomba vizuri sana, nakumfanya Bella afarijike. Aliombea ukuaji wa yule mtoto. Kuanzia tumboni mpaka atakapokuwa mtu mzima. Aliwaombea wazazi wake, Elvin na Bella, wawe na hekima yakuwalea watoto wao. Alimuombea Bella kibinafsi, Mungu ampe nguvu katika kipindi hicho cha ujauzito. Akamaliza.

“Haya zamu yako Tito.” Mzee Mwasha alimpa nafasi Tito. Tito akafurahia sana. “Thanks.” Alishukuru kisha akafunga macho akaweka mkono tumboni kwa mama yake. “Hey baby! Am your brother Tito. Here is Ric, is our big brother. He is so nice just like our mommie. He loves everybody. We are so blessed to have him. He always gonna love you and protect you. He will never give up on you, no matter what. Bottom line, he is a good bother. And there is Jesse. But she is not here today. Jesse is a very special girl. Am sure you gonna like her too. Coz I do. I bought her a very expensive brasslate. Am sure she is gonna love it and look very pretty when she wares it.” Watu wote walifungua macho wakaangaliana katikati ya maombi ya Tito.

Akaendelea. “We are going to love you so much, and protect you. Me and Ric will be always there for you. I will teach you cool stuff. If you are girl, am going to buy you a lot of expensive dresses, shoes and Jewery. You will be the most pretiest girl, just like our mommie. We will spoil you, and teach you our dad’s cool stuff. You will be my sweatheart forever, and...” Akanyamaza kidogo. Kisha akaendelea. “You know what, I will talk to you later, when we are alone with our mommie.” Kila mtu alitamani kucheka lakini ilibidi wajikaze, wasijue kama yale ni maombi au salamu. Akamaliza.
“Thanks T, for introduced me.” Kaka yake alimshukuru. “Mwanangu naona amependwa kweli.” JJ aliongeza, wote wakacheka. “Na huyo mtoto ametambulishwa watu watatu tu. Yeye mwenyewe, Jesse na kaka yake tu. Naona huyo hana ndugu wengine.” Mama Mwasha aliongeza. Bella alikuwa akimtizama mwanae na kutingisha kichwa.

“Jamani naomba mimi niseme. Japokuwa hayo mambo mengine mtaongea na baba yenu, lakini mimi nimefurahi sana. Sana.” Mwasha alimgeukia mkewe. “Nini Mwasha? Acha nifurahie. Tena mjukuu anatoka kwa Bella! Nitabeba mwenyewe mpaka akue. Hongereni sana.” Bella aliogopa kumwangalia mtu yeyote usoni, kwa kumuonea aibu Mzee Mwasha. Aliona amemsaliti vikubwa. Aliinamisha kichwa chini machozi yakaanza kutoka tena.

“Naomba unisame baba. Ilitokea bahati…” “Naomba hiyo sentensi iishie hapo hapo Bella. Na nilikuonya. Huyo si mtoto wa bahati mbaya hata kidogo. Huo ni muujiza wangu mwenzenu. Achene kuchezea baraka yangu.” Elvin alimkata Bella. Bella aliinama nakuzidi kulia. “Wala usilie Bella, mwanangu. Tutapata muda wa maongezi. Kila kitu kitakuwa sawa. Kumbe ndio maana ulikuwa ukinikimbia!!” Mzee Mwasha alianza kukumbuka vile Bella alivyokuwa akimkwepa. “Nilikuwa ninahamu na wewe baba, lakini nilikuwa naogopa sana. Kila nilipokuwa nazidiwa kuumwa, nilitaka kukwambia lakini niliogopa. Jana tuliporudi kutoka safari, ule usiku, nilikuja mpaka chumbani kwenu ili kukwambia. Nikawasikia mnaomba. Nilisimama pale nje kwa muda nikijishauri, mwishowe nikaamua niondoke tu. Niliingiwa na hofu ya ajabu.” “Ungeniambia tu Bella, mwanangu. Nilikwambia hakuna kitu kinaweza kuondoa upendo wangu kwako. Nakupenda sana mwanangu.” Bella alijifunika nakuanza kulia zaidi. Hakudhani kama anastahili upendo mkubwa vile. Ilikuwa kama upendo wa Mungu, kwa Adamu na Eva. Japo walikosa, lakini bado Mungu aliwafuata bustanini akitaka kusikia kutoka kwao, nakuwaonyesha anawapenda. Kule kutubu kwa Bella, kulimfurahisha sana Mwasha.

Bado Mzee Mwasha alikuwa amesimama pembeni ya kitanda cha Bella, yeye akiwa amekaa kitandani hapo na dripu yake mkononi. Akamkumbatia kwa nguvu kwa mkono mmoja wa kushoto ambao haukuwa na dripu na kuzidi kulia. “Nina mambo mengi nilikuwa nataka kukwambia na unishauri. Habari za mambo ya hapa na  ya  Marekani. Vile manasheria wa Masha alivyoniambia. Nini nilitakiwa kuamua pale pale, na nini niliomba nije kufikiria ili nije kukwambia kwanza, ndio nimrudishie jibu yeye. Mikataba niliyoingia. Mambo mengi baba yananinyima raha mpaka nikae na wewe nikwambie kwanza, ndio naona nitalala vizuri.” Mwasha alicheka huku anamwangalia. “Nina hamu na wewe kweli. Na nina mambo mengi sana.” Mwasha alimsugua tena mgongoni bado alikuwa amemkumbatia. “Daktari amesema leo unatakiwa kupumzika. Nitakuacha ulale leo. Kesho asubuhi nitakuwa hapa.” “Asubuhi tu, haitoshi baba.” “Basi tutakaa wote siku nzima mpaka wakuruhusu.” Bella alibusu mkono mmoja wa Mzee Mwasha uliokuwa umepita kwenye bega la kulia. Kisha akajilaza kwa kujiegemeza kwenye tumbo la Mwasha huku bado amemkumbatia. Akavuta pumzi kwa nguvu na kuzishusha taratibu, akionyesha ametua mzigo mzito kifuani.

Kila mtu alikuwa akiwasikiliza Bella na baba yake. Alipoona ametulia akamuachia, akamgeukia Elvin na kumpa mkono. “Hongera.” Japokuwa  alijua amemuudhi sana baba yake kwa kugusa binti yake. Tena baada ya kumuomba rasmi. Na akajua hayajaisha hata kidogo. Ana darasa refu sana mbeleni, lakini alifarijika. Alikuwa akisubiri hiyo pongezi kwa hamu sana.“Asante sana, baba. Na samahani.” “Kama ulivyosema, sasa hivi tuongelee habari njema za ujio wa mtoto.” “Asante, baba.”

Mwasha akarudi tena kwa Bella kipenzi chake. Bella akaudaka mkono wake mmoja akajificha nao usoni huku machozi yakitoka taratibu. Bado alijisikia vibaya. Ni mtoto wa tatu huyu anazaa nje ya ndoa. Tena huyo amekuja baada ya kufundishwa na kuelekezwa sana na Mzee Mwasha, asikubali mwanamme amguse kama siye mumewe. Tena na yeye akajibu kuwa ameelewa na akamuahidi hatarudia tena. Waliomba pamoja na kujifunza neno la Mungu pamoja naye. Anamtizamaje tena Mzee Mwasha? Anarudije tena kwa mtu huyo huyo aliyevunja ahadi yake kwake? Hakuna aliyejua kinachoendelea kati ya Bella na Mzee Mwasha, kwani hawakuwa wakisikia mazungumzo yao. Ugumu na aibu anayopambana nayo Bella wakati huo.

Kila Bella alipokumbuka mazungumzo yao, machozi yalizidi kumtoka. Mzee Mwasha alijua kinachoendelea ya Bella. “Nime..” “Bella!” Mzee Mwasha alimkatisha na kumwita kwa upole. “Leo unahabari njema tu kwangu. Unaniletea mjukuu mwingine. Ndio nataka kukusikia ukiniambia hivyo. Sawa?” Bella alitingisha kichwa. “Hapana Bella. Hujanipa hizo habari njema bado. Nimezisikia tu kutoka kwa daktari. Kama ananidanganya?” “Kwa hiyo bado unaniamini mimi?” “Kabisa. Lakini bado hujaniambia chochote.” Bella alivuta pumzi na tabasamu la aibu usoni.

“Baba!” Bella akakausha machozi usoni akamwangalia kwa huruma Mzee Mwasha. “Mimi na Vin tunatarajia mtoto.” Mwasha alitaka kumtoa Bella kwenye ile hali ya majuto. “Hongera sana mama. Hongera.” “Asante baba.” Ndipo kaka zake Elvin na wao walipopata ujasiri wakumsogelea Elvin. “Hongera Dogo.” Mara simu ya Elvin ilianza kuita mfukoni kwake. “Nani tena huyu? Huu sio wakati wake kabisa.” Elvin alipoangalia, akaona Eno. “Umemwambia nini?” Elvin alimuuliza Eli. “Mimi ndio nimemtumia ujumbe.” JJ alijisalimisha nakufanya wote wacheke. “Namuomba kwanza Bella!” Kabla ya salamu, Eno alitaka kuongea na Bella. Alimpongeza sana, nakumwambia anamkaribisha mtoto kwenye familia. “Asante, Eno. Nimefurahi kukusikia.” Bella alijibu. “Kazana sana kula na kunywa maji mengi, na uanze kliniki mapema. Nikipata nafasi tu, nitakuja kuwaona.” “Asante sana.” Aliongea na Ric, kisha akaongea na Elvin. Palijaa furaha kwenye chumba cha Bella. Kila mtu alifurahia.

****************************************************

“Itabidi Bella akitoka hapa, ahamie kabisa pale ninapoishi sasa. Nataka nilee mwenyewe.” Elvin aliwakatisha vicheko. Bella aliinama. Kila mtu alisubiri kumsikia Mzee Mwasha anajibu nini. “Tena Tito atakuwa na chumba chake, na Ric pia atakuwa na chumba chake. Wote tutatoshea. Bella atakuwa hana sababu ya kutafuta nyumba tena.” Elvin aliongeza lakini hakuna aliyemjibu. Mzee Mwasha ndiye aliyekuwa akisubiriwa atoe ruksa la ombi hilo lililotolewa na Elvin.  Japo halikuwa la moja kwa moja, kila mtu alijua ni ombi kwa baba yao. Hata Mwasha alijua hivyo. Kulipita ukimya wa muda, kaka zake walitulia kabisa kama kumpa baba yao nafasi. Na kwa kuwa Elvin ni mtoto wa mama, walijua Mzee atawekwa sawa tu, hata kama sio wakati ule, basi baadaye mpaka amkubalie Elvin kuishi na Bella. Hakuna kitu Elvin alitaka ambacho kilikuwa ndani ya uwezo wa mama yake, asimpe. Wote walijua. Na yalikuwa ni maombi ya watoto wao, kuwa Elvin aoe mwanamke atakayeweza kuelewana na mama yao.

Mama Mwasha naye alitulia kumsubiria mumewe. Kwa kuwa alimjua Bella. Kama Mwasha angesema hapana, asingehamia kwa Elvin hata iweje. “Nitamtunza Bella, vizuri baba. Hutakaa ukasikia matatizo. Nataka nimlee mwenyewe. Sitakuwa na amani yeye akiwa analala kwenu na watoto, usiku anateseka peke yake halafu mimi nimelala huku peke yangu wakati naweza kumsaidia.” Japokuwa watoto wake wote walikuwa wamesoma sana zaidi yake, lakini walimuheshimu sana huyo Mzee. Hakuna aliyemfahamu Mwasha asione hekima Mungu aliyomjalia. Alijawa busara sana. Hata ndoa ya JJ, ilipona sababu ya baba yake. Elvin aliendelea kutoa mikakati yake juu yakumtunza Bella na wanae.

Nimekuwa baba. Naweza kumtunza Bella na watoto. Kumbuka nilikuwa namtunza Ric tokea mtoto. Tito mwenyewe amezaliwa mikononi mwangu. Mpaka anaondoka hapa nchini mimi nilikuwa nikimsaidia Bella na Masha kuwalea hawa watoto. Sijawahi kushindwa wala kulalamika. Tafadhali baba yangu.” Elvin alitamani kumsikia baba yake akitoa baraka zake. “Na ni kweli Elvin aliwalea hao watoto kwa upendo sana.” Mama yake aliongeza kutia nguvu maneno ya kiziwanda wake. JJ na Eli waliangaliana na kutingisha kichwa huku wanacheka kimya kimya. Mzee Mwasha alijua kabisa hila ya mkewe. Na akajua ndio anatumiwa ujumbe wa kulazimishwa kumkubalia mtoto wa mama.

“Sasa unachokohoa wewe Eli ni nini?” “Nimepaliwa mama jamani!” “Muongo. Unachopaliwa hapo nini? Kwani uongo kuwa Elvin anaweza kulea mwenyewe? Elvin ameshakuwa mtu mzima. Anauwezo mkubwa sana wakujitegemea.” JJ alishindwa kujizuia. “Mimi naona Mzee ameshapata ujumbe wako mama.” “Mimi naongea na Eli.” “Mmmh!” Eli aliguna nakufanya mpaka Elvin acheke. “Naona mnasita! Wakati ni jambo la kumtia moyo mtoto.” Yule mama aliendelea kulalamika. Hakika aliyekuwa akifikishiwa ujumbe si mwingineyo ila mumewe. Na mama huyo alionekana anataka Mwasha atoe jibu la haraka, asiendelee kumtesea mwanae ajieleze kwa muda mrefu.
“Kwani..” Yule mama alitaka kuendelea lakini JJ akamuwahi. “Mimi naona tumpe baba muda wa kufikiria, mama.” “Naomba huko nisiingilie tena.” Mzee Mwasha alishaona amekabwa na mkewe, hana jinsi nyingine akajibu huku anamwangalia Bella. Japokuwa hakupewa ruhusa ya moja kwa moja, lakini Elvin alifurahi sana. “Asante sana baba yangu.” Elvin bila kujua alijikuta amemkumbatia baba yake. “Kabla mtoto hajazaliwa, tutaenda kubariki ndoa yetu kanisani. Au unasemaje Bella?” Bella aliinama nakuanza kulia tena. “Sasa wewe unataka kuanza kumliza Bella zaidi. Tumesema leo, tufurahie mtoto tu. Mambo mengine tutazungumza baadaye. Mbona hivyo lakini?” “Sawa mama. Leo mtoto tu.” “Au unasemaje Mwasha?” Mpaka Mzee Mwasha mwenyewe akatingisha kichwa kwa jinsi anavyokabwa na mkewe. JJ na Eli wakacheka kwa sauti. “Wambea nyinyi! Kinacho wachekesha nini?” “Mimi kama nimemsikia baba amesema hivyo hivyo. Au wewe kaka JJ umemsikiaje baba.” “Naona mama kuna anachotaka kumsikia Mzee akisema.” “Wala sina kingine. Ni kuweka tu msisitizo kwa Elvin. Kwanza kumpongeza vizuri na kumpa baraka zake. Basi. Kwani mimi nalazimishia kitu. Nikuonyesha tu yupo na mtoto.” “Mtoto huyo ni Elvin?” Eli aliuliza kwa kejeli. “Ndiyo. Kwani hapa tunamzungumzia nani? Au Mwasha unasemaje?” Akamrudia mumewe tena. “Kabisa.” Mwasha alijibu kwa kifupi. Lakini wazi walijua wazazi hao wanamazungumzo ya muda mrefu sana. Walimjua baba yao jinsi alivyo. Jinsi alivyowalea na misingi aliyowawekea. Elvin amekiuka kwa silimia zote. Walijua wazi hawezi kuachiwa kirahisi, japo mama alikaba sana. Akitaka Mzee atangaze pale pale kuwa yameisha, na mwane asamehewe tu.

****************************************************
Elvin alijua mama yake atamalizana tu na Mzee, akawageukia kaka zake. “Asanteni sana kaka zangu kwa kusimama na mimi wakati wote hasa kipindi kile kigumu. Hamkuchoka hata nilipowakasirikia na kuwafukuza. Hasa Eli. Samahani sana.” Eli alicheka. “Karibu Dogo. Hongera sana.” “JJ wewe pole kwa usumbufu. Angalau wewe sikuwa nakukaripia. Lakini Eli, yaani mpaka nilikuwa najisikia vibaya.” “Usijali Dogo. Tupo pamoja. Hongera sana.” Aliwapa mkono kaka zake, wakakumbatiana.  

****************************************************

“Mungu amenibariki tena, mama.” Elvin aliinama, akambusu mama yake kichwani akiwa amekaa pale kwenye kochi la hospitalini, akamkumbatia. “Nimeona mwanangu. Hongera.” Alishapata muda wakumuomba mama yake msamaha. Alimtoa siku moja akawa yeye na mama yake tu kwa chakula cha usiku. Akaongea naye sana na kumuomba msamaha, kwa kauli na matendo machafu aliyomfanyia kipindi Bella alipoondoka na kuolewa na Masha. Kwa hiyo walishatengeneza yeye na mama yake. Mapenzi yakarudi kama zamani.

****************************************************

Elvin alitumia akili ya haraka. Akamwambia Tito usiku ule ambao anajua hawezi kulala vizuri mbali na mama yake, ndio usiku mzuri kuutumia kwenda kuangalia chumba atakachompa. Apange vitu vyake mpaka atakapochoka, atajikuta analala tu. Tito alifikiria kidogo huku akimwangalia mama yake na Elvin. “Nafikiri ni wazo zuri T. Kabla hujakataa, naomba ufikirie. Please.” Bella aliongeza. “And if you don’t like it, Elvin will bring you back here to mama.” Ric aliongeza. “You promise? Couse I can’t be away form my mom for a long time.” “I promise.” Elvin alijibu. “What if its 15 minutes from the time we get there?” Alizidi kuuliza kwa makini sana. “Nitakurudisha Tito. Nakuahidi.” “Okay.” Alimtolea tabasamu ambalo lilikuwa hadimu sana kuliona. “Thanks, by the way.” Tito alimwambia Elvin, na kuongeza. “You seems nice.” Chumba kizima kilitulia mpaka Bella alibaki ametoa macho. “What!?” Tito alimuuliza mama yake. “You told me to be nice. And this is high it can get.” Bella na Ric walianguka kicheko. “That’s all I need honey. Thanks.” Bella alijibu asiamini.

****************************************************

Elvin akamsogelea Bella. Baba yake akampisha. Akamvuta karibu yake, akamnyanyua uso.  “Nilikuwa nimechanganyikiwa nikashindwa hata kuongea. Nina furaha ya kupitiliza Bella. Asante kwa kunirudia. Asante kwa kutimiza ahadi yako. Najua ungeamua usirudi, ukaendelea na maisha yako. Najua sasa hivi tunatofautiana sana kimaisha. Lakini kitendo cha kubaki hapa, umeacha kila kitu chako Marekani, na kukubali unahangaika na mtoto wangu tumboni. Ukateseka bila mtu yeyote kujua. Na ninajua ungeweza hata kumtoa huko ulipoenda Marekani. Lakini umerudi. Sitakaa nikasahau Bella. Nitakuenzi milele. Nitakuangalia daima, mpaka macho yangu yafungwe na mauti. Nitaongeza umakini katika kila hatua ya maisha yetu. Nitakupenda na kukulinda wewe na watoto wetu wote. Nitakuwa na wewe kukushauri na kukuunga mkono katika kila uamuzi utakao chukua. Kama ni mbaya, unanijua mimi. Nitakukataza.” Bella alicheka huku anafuta machozi. “Nakupenda Enabella.” “Nakupenda sana Elvin. Asante kwa kunivumilia.” Japokuwa Elvin aliongea kwa sauti ya chini ya kunong’ona na kubembeleza, lakini kila mtu alikuwa akiwasikiliza. Akambusu tena midomoni bila hata kunyonya. Kwa heshima ya wazazi na kaka zake. Akamkumbatia kwa muda kidogo tu. Wakaondoka.

***************************************************
Saa kumi na nusu asubuhi Bella alishtukia mtu anapanda kitandani kwake. Akafungua macho. “Hey baby!” Bella alimsalimia Tito akiwa amejawa usingizi. Kwanza alilala masaa machache sababu ya kutumiana ujumbe na Elvin, na kwa muda mrefu sasa hakuwa amelala usingizi usio na kuamka amka kutapika. Tito alijiingiza ndani ya shuka alilokuwa amejifunika mama yake, akalala bila kuongea kitu. Bella alijua hakuwa amelala usiku kucha. Akambusu kichwani akamkumbatia. “Niwaache mlale. Ngoja nirudi kujiandaa na kumchukua Ric. Nimemuacha peke yake na bado amelala.” Elvin alinong’ona. Bella akatingisha kichwa. Elvin akainama na kumbusu mdomoni, akatoka.
***************************************************

Ilipofika saa 11:30 asubuhi wakati usingizi ndio umekolea, JJ na mkewe wakaingia. Walileta chakula asubuhi hiyo wakati wanaenda kazini, pamoja na maua. Saa 12 kamili asubuhi hiyo, Eli naye akaingia na maua na chupa ya maziwa aliyotumwa na mama yake. Akamkuta JJ na mkewe bado wamekaa hapo. Eli akawaomba waondoke anataka kuzungumza na Bella. Ikabidi wawapishe. Alitaka kupata muda wa peke yao yeye na Bella, ili warudishe urafiki wao.

“Nimekumiss kweli Best yangu.” Eli alivunja ukimya. “Wewe si ulininunia?” Bella alilalamika huku akifuta machozi. “Naomba yaishe Bella. Sikuwa nikijua ukweli. Na nilipojua ukweli dhamira nayo ilinisumbua sana. Halafu tena nikajua umekuwa Milionea. Nikaona ngoja kwanza nikupe muda kama bado utatutaka au ndio basi tena.” Bella alicheka.  “Umeanza Eli.” “Kweli Bella. Watu wanabadilika wakiwa na pesa nyingi. Lakini nimeona wewe haupo hivyo.” “Nampenda sana Vin. Nilishakwambia Eli. Ni maisha ndiyo yametuzungusha tu. Lakini hakuna kitu, hata utajiri utakaoziba pengo la Vin kwenye moyo wangu.” “Na mimi hapo nimethibitisha hilo. Naomba unisamehe Best yangu.” “Yameisha Eli. Kwanza wewe unanijua ninavyokupenda. Siwezi kukukasirikia. Naomba mnisamehe. Nilifanya maamuzi magumu, lakini ilinibidi. Nampenda sana Vin, nisingependa aje adhuriwe wakati nilikuwa na uwezo wakumsadia.” Eli alijisikia vibaya sana. “Tunakushukuru Bella. Na karibu tena kwenye familia.” Walikumbatiana, Eli akaondoka.

***************************************************
Bella alimuamsha mwanae, wakala tena na kurudi kulala mara baada ya nesi kupita na kumpima pressure. Wakati ndio usingizi wa mimba unanoga, ikiwa ni saa 3 kamili asubuhi, akaingia Mwasha na mkewe. Mama naye alikuja na chakula kingine. “Naona mama unataka ninenepe leo leo.” Mama Mwasha alicheka. “Asante mama. Naona nimepewa dawa ya kuzuia kutapika, imekuwa shida. Nimeanza kula tokea saa 11 alipopita kaka JJ na mkewe. Eli naye ulimtuma aniletee maziwa, ukamwambia ahakikishe nakunywa hata kikombe kimoja. Unamjua Eli akikazania jambo. Hajaondoka hapa mpaka nimemaliza kikombe kimoja cha maziwa na wakati alinikuta kaka JJ na yeye amenisimamia nimalize supu ya veggie aliyokuwa ameniletea. Haya sasa hivi tena umeleta mtori na Supu nyingine. Mpaka nitoke hapa, mimi na Tito tutakuwa hatuwezi kutembea.” Wote walicheka. “Kazana kula, kwa ajili yako na mtoto.” “Nitakazana mama. Najiona jinsi nilivyokonda. Asante kunifikiria” Bella akamgeukia Mzee Mwasha akatabasamu.

***************************************************

Mzee Mwasha akamsogelea. “Nimefurahi umekuja baba.” Bella alimkumbatia Mzee Mwasha kwa nguvu akiwa amekaa pale pale kitandani. Alishatolewa dripu mkononi. “Umenisamehe baba?” Mzee Mwasha alicheka. “Nataka uniahidi wakati mwingine utakapokuwa na tatizo lolote lile, hutanificha na kunikimbia.” Bella alianza kulia. “Niliingiwa na hofu ya ajabu. Sikujua nitakwambia nini.” “Huhitaji kutafuta maneno ya kuongea na mimi, Bella mwanangu. Ongea na mimi kile kilichopo ndani yako. Kiwe chakunifurahisha au unachojua kitanihuzunisha. Lakini nataka kuwa na wewe katika kila hali, sio uwe unanipa habari unazojua zitanifurahisha tu na kubakiwa na habari zinazokuumiza tu wewe mwenyewe. Utakuja kupata madhara makubwa sana wakati mwingine. Wote tunakosea Bella, lakini unafanya nini baada ya kukosea, ndio kitu cha msingi. Shetani ni muongo. Akishakusababishia kutenda dhambi, kitu cha kwanza anachofanya ni kukuhukumu, na kukutenga na watu anaojua watakusaidia ili azidi kukutesa zaidi. Ungeniambia mapema, tungepata muda wakuzungumza, tukaomba pamoja, tukaanza upya. Ona ulivyoteseka peke yako huku ukiwa umebeba habari njema, zilizokuwa zikisubiriwa na kila mtu! Lakini akakuwekea hukumu na kuendelea kukutesa. Nilikuahidi na ninakuhakikishia Bella, hakuna kitu kitaondoa upendo wangu kwako. Unanielewa?” Bella alikuwa bado akilia. “Nimeelewa baba.” “Haya, sasa tuombe.” Mwasha alimuongoza sala ya toba, na kumkabidhi tena kwa Mungu. Baada ya maombi angalau kukawa na amani. Urafiki wao ukarudi.

***************************************************

“Nina mambo mengi sana nataka kukwambia. Nahisi nitachanganyikiwa nisipokwambia.” Mzee Mwasha akacheka. “Nimekuja tukae wote.” “Kwanza mambo yamekwenda tofauti nilivyotarajia. Ric amekataa kusoma kule.” “Anataka nini?” “Walikubaliana na Masha, aanzishe NGO ya kusaidia vijana. Nimekuta yule mwanasheria ameshaisajili. Kumbe Masha alianza kuifuatilia muda mrefu. Imekamilika kila kitu. Hivi hapa tunapozungumza ipo kama ilishaanza kazi. Imepata wadhamini. Wanataka kuanza kufanya kazi na Ric. Rafiki zake wanajikusanya na kukusanya pesa, wanataka kuja kipindi cha likizo yao ile ndefu ya mwezi wa sita, kumuunga mkono Ric. Ric anataka kuanzia mwenzi ujao akiacha kazi kule kwa Elvin, anunue kiwanja kabisa aanze ujenzi.” “Sasa tatizo ni nini? Au pesa haitoshi?” “Pesa si tatizo hata kidogo mama.” Mama mwasha aliingilia.

“Mbona sasa kama huna raha.” “Kwanza hiyo NGO “yao”. Nasema yao, yaani ya Ric na Masha, inamamilioni ya pesa. Na bado itaendelea kuingiza pesa maana Ric aliifungulia website. Yeye na marafiki zake wanaitangaza sana. Na hao marafiki wa Ric ni watoto wa mamilionea huko marekani. Wamepata uungwaji mkono mkubwa sana. Kwa hiyo pesa si tatizo hata kidogo?” “Sasa kama pesa sio  tatizo, tatizo ni nini?” “Sasa hilo ndilo linaloniogopesha mama.” Mama Mwasha aliendelea kudodosa wakati mumewe ametulia anasikiliza.

“Kipi kitamfanya Ric asome tena? Ukitaka kumuona Ric anafuraha, awe anamsaidia mtu na awe na pesa nyingi benki au mali. Hizo pesa zote zipo chini ya jina lake, japokuwa mimi ni msimamizi mpaka atakapofikisha miaka 18. Kwa kuwa ameshajua anapesa nyingi na zitaendelea kuingia, amejiwekea mipango chungu mzima. Kila senti inayoingia anamipango nayo. Hatatulia mpaka hiyo pesa ifanye kile anachokitaka. Atimize lengo. Kila pesa ikiongezeka ndivyo anavyopanua malengo yake na kuongeza shuguli. Na katika hiyo mipango yake, sijaona siku alizotenga za shule. Mbaya zaidi anabaraka zote za baba yake. Masha ameagiza mimi na yule mwanasheria kumsaidia mpaka afanikiwe. Masha anampenda sana Ric, kiasi ya kwamba ikifika katika swala la Ric huwa hafikirii. Atampa chochote anachotaka. Sasa mimi najiuliza katika mipango yake na mwanae, sijui kama kweli alimfikiria shule.” “Umejaribu kuzungumza naye?” “Nimejaribu baba. Na ameniambia atasoma tu, nisiwe na wasiwasi. Lakini sioni dalili hata kidogo.” Bella alikaa vizuri.

“Unamkumbuka yule dereva wa Masha?” “Namkumbuka sana tu. Alihangaika sana siku zile za msiba wa Masha.” “Sijui Masha alimlishaga nini yule kijana jamani!” Wakacheka. “Kweli mama. Anampenda Masha kwa moyo wake wote. Ni mwaminifu kwa Masha, hujawahi ona. Masha alikuwa anamgombeza mpaka nilikuwa namwambia kesho harudi tena. Lakini baada ya muda anampigia simu kumuulizia hali yake.” “Kuna watu wapo hivyo Bella. Akishasema ndiyo kwako, basi anabakia hivyo mpaka mwisho.” Mzee Mwasha aliongeza. “Basi, na yeye ameachiwa barua na Masha. Amepewa maagizo amsindikize Ric kuangalia maeneo huko Kibaha au Kabla ya kufika Bagamoyo. Ric akipenda eneo moja wapo, amsaidie kuhakikisha ananunua na vyote viwepo kwa jina la hiyo NGO ya Ric. Kwa kuwa alijua Ric ni mtoto, na pili alibadilisha uraia. Kwa hiyo pia hiyo NGO ipo kwa jina langu mimi kama founder, wakati mimi natamani hata isingekuwepo. Haya, amesisitiza yawe ni maeneo ambayo yatatengenezwa yafae kuwa ni viwanja vya michezo anayotaka Ric, na majengo yakuwalaza hao vijana atakao kuwa akiwakusanya Tanzania nzima. Hiyo nayo ni kazi kwa Ric mara mbili yake. Kuanzia ununuaji, ujenzi na kuja kutunza hayo maviwanja. Yaani baba, hiyo nyumba ambayo ametuachia Masha huko Marekani, inaviwanja vya mpira karibia vinne. Masha alinunua hilo eneo na lijengo kwa pesa nyingi sana kwa ajili ya Ric japo mwanzoni alijidai kuniambia ni kwa ajili yangu. Kutunza kwenyewe ilikuwa garama nyingine. Mimi nikajiambia sitaki kufa kwa pressure, heri nihame tu.” Mama Mwasha akacheka.

“Inawezekana Bella.” “Mmmh! Mimi aliniona nacheza saa ngapi huyo Masha kama sio mwanae Ric?” “Nyumba ni kwa ajili yako, viwanja ni kwa Ric.” “Labda hivyo. Lakini mama, hilo jumba utafikiri tulikuwa tukiishi familia tatu humo ndani kumbe tulikuwa watu wanne tu. Na kama mnavyomjua Masha, hawezi kuishi na watu. Wafanyakazi wote walikuwa wakiondoka jioni na kurudi saa 1 asubuhi. Mnaishi humo ndani sijui kama mpo kisiwani. Mipesa aliyokuwa akimwaga kulitunza, mpaka roho inauma.” “Masha alikuwa akipenda vitu vizuri tokea ujanani. Ni heri asinunue kitu anachokitaka, akose kama akiona hana pesa. Kuliko kununua chochote. Na vitu alivyokuwa akinunua Masha, kila mtu alijua ni vya garama.” “Ni kweli. Na hakuna aliyeamini kwa mara ya kwanza aliposema Matha ndiye mwanamke anataka kumuoa. Mpaka baadaye tulipoona juhudi za Matha, ndipo tukaelewa alichompendea yule mama.” Mwasha alimgeukia mkewe, Bella akacheka. “Sasa unaniangalia nini Mwasha. Si ni kweli?” Bella aliinama akazidi kucheka.

“Endelea Bella mwanangu.” “Sasa huyo Ric ameshamtafuta huyo dereva, hivi ninavyokwambia jumamosi hii anakuja kumchukua Ric akamtembeze hizo sehemu alizoona hayo mashamba. Sasa hebu niambie baba. Ni lini huyu Ric ataanza kusoma wakati anapesa ya kuanza mambo yote hayo? Inamaana akishapata hayo mashamba tu, hao marafiki zake watakuja na timu ya watu wa ujenzi, waanze kazi. Na hapo watu wa kanisa hilo tulikokuwa tukiabudu wakati tuko huko na wenyewe wamesema watakuja kwa ajili ya kuchimba vizima na kuhakikisha kuna maji yakutosha. Yaani kila kitu kipo tayari baba. Ni Ric kusema amepata hayo mashamba tu, kazi ianze. Nafanya nini wakati alishazoeshwa na Masha kukubaliwa na kupewa kila kitu? Mimi nikiongea tu, anaanza kulia na kuniambia anaomba nimuunge mkono kama baba yake. Masha kamwandikia kila kitu. Nikisema kila kitu namaanisha kila kitu mpaka ramani. Yule mwanasheria alinichosha zaidi alipotoa ramani ambayo Masha alimkabidhi muda mrefu tu. Kumbe mwenzangu alishatafuta mpaka ‘Architecture’, akamtengenezea ramani nzima ya uwanja na majengo yatakavyokuwa. Yaani yule mwanasheria anamkabidhi Ric mimi natamani kuchanganyikiwa baba. Ric aliruka ruka siku hiyo, anasema ndio zawadi baba yake alimuahidi atampa siku moja, lakini yeye hatakuwepo, ila yupo mtu atamkabidhi. Haya, amemuachia kwa maandishi ni nini kianze na nini kitafuata. Ugumu atakao pambana nao, na nini afanye. Kila kitu Masha ameandika. Na yule mwanasheria amemkabidhi Ric, kama vile wana wa Israel walivyokabidhiwa sanduku la agano. Masha alifunga vizuri, kwenye sanduku zuri sana. Akaagiza apewe Ric. Hebu niambie baba, nafanyaje mpaka hapo? Huyu mtoto hawezi kuja kuwa mtoto wa kawaida tena kitu ambacho mimi nilikuwa namkataza Masha tokea zamani. Labda ndio maana alinificha.” Bella alitamani kama Mzee Mwasha awe na jibu la moja kwa moja la kumtuliza. Alionekana alisha kwama.

“Cha kwanza, ukionyesha tu uko kinyume na mipango yake yeyote kwa sasa, ujue wazi umempoteza kabisa huyo mtoto. Umezaa watoto wenye uelewa mkubwa sana Bella.” “Yaani mpaka wakati mwingine naona ni kero.” “Hata. Ni baraka ya ajabu sana.” “Nitafanyaje baba? Watoto hawa wamezaliwa na mipango yao iliyokamilika kichwani mwao. Na wanajielewa.” Mama Mwasha akacheka. “Kweli mama. Maswali watakayokuuliza hawa watoto, ambayo hawajui ni ‘are you okay?’ au ‘what for dinner or lunch?’au ‘Do you know I love you?’ basi mama. Yaani ndivyo vitu wasivyojua. Wanajua kila kitu. Halafu sio waongeaji kama mimi.” Mama Mwasha alikuwa anacheka sana. “Na unavyopenda kuongea Bella mwanangu!” “Hapo ndipo utakapojua jinsi nilivyokuwa nachoshwa na Masha na wanae. Watu hawawezi kuongea muda mrefu! Halafu maongezi yao ni yamaana wakati wote utafikiri mnataka kununua ulimwengu! Aiii!” Mzee Mwasha alibaki akicheka.

“Sasa baba hebu niambie ndio nifanyaje kuonyesha namuunga mkono wakati mimi sifurahii hayo mambo yao?” “Lazima umuonyeshe unafurahia, na wewe ndio upo mstari wa mbele katika mipango yake ili usimpoteze. Mwenzio Masha aliliona hilo ndio maana akahakikisha anatengeneza ramani anayotaka mtoto wake apitie, ili asipotee. Usifikiri Masha alikuwa mjinga. Alishajua aina ya watoto mlio nao. Wanauelewa mkubwa sana. Lakini kitu Mungu alichowajalieni nyinyi na Masha, akawapa hawa watoto moyo wa kuwapendeni nyinyi wazazi wao na kuwasikiliza. Watoto wenu wanawasikiliza sana Bella. Unachotakiwa ni kuwa kama Masha. Neno sahihi ni kwamba, ‘be on top of the game’. Yaani hakikisha wewe unaelewa na kusimamia kile anachokiamini na kukipenda. Simama naye katika kila hatua ya maisha yake ndipo utakapoweza kupenyeza ajenda zako na kupita bila shida.” “Aaaah! Hapo nimekuelewa baba. Nilijua nikizungumza na wewe nitafanikiwa tu. Nakushukuru baba yangu umenitua mzigo. Nilikuwa na wasiwasi. Nitazungumza na Vin, ili tujue jinsi yakujigawa.” Hapo alimfurahisha mama Mwasha.

“Kwa kuwa anampenda Elvin, najua atamsikiliza pia.” “Na kwa kuwa mama yenu anaendelea vizuri sasa hivi, naweza kumsaidia Elvin kule kazini ili na yeye akusaidie.” “Ndio maana nakupenda baba yangu. Unanifikiria sana. Unajua sasa hivi ndio namuhitaji Elvin kuliko kipindi chochote maishani. Asante sana baba yangu.” Bella akampa busu Mzee Mwasha akacheka. “Niliona ulipotoka safari hata hukunikumbatia!” “Pale nilikuwa na hamu na wewe baba. Lakini woga. Nilikuwa natamani nikae Marekani mpaka nijifungue huyu mtoto. Lakini Elvin alikuwa haniachi hata lisaa wakati na yeye nilimficha. Alikuwa anapiga simu hata nikiwa katikati na kikao na mwanasheria, anataka nipokee. Usipopokea wakati huo, ukimpigia baadaye unamkuta anakaribia kuchanganyikiwa anasema nataka kumkimbia tena au nipo kwenye mpango mwingine wa kumkimbia. Hakuna jinsi alikuwa ananielewa, alichokuwa anataka, nirudi nyumbani tu.” “Ameshaingiwa na hofu.” “Ni kweli mama. Na mimi nimeona.” Bella alifikiria kidogo.

“Ninachomshukuru Mungu, amenipa Vin. Yupo na mimi hata kwenye ujinga wangu. Hajaniacha.” Bella aliongea huku ameinama akifikiria. “Na ninakushukuru baba na mama kuwa na mimi katika nyakati zote. Ninawahitaji zaidi sasa hivi wakati tunajijenga na Vin. Mimi na yeye ndio kama tunaanza kujenga cha kwetu. Tena katikati ya biashara za Mwasha na Masha.” Wote wakacheka kidogo.

“Kweli. Vin anafanya biashara ya Mwasha, mimi ninabiashara ya Masha. Na zote zinatuhitaji sana. Lakini mimi na Vin bado hatuna cha kwetu. Ndio kama tunaanza.” “Tutawasaidia Bella. Usiwe na wasiwasi. Tena mnaanzia pazuri sana.” “Sijui tunafanyaje mama!? Namuachia Mungu. Nimefurahi mmeonyesha moyo wa kutusaidia kwenye upande wa Vin, lakini Vin anataka sana watoto. Itabidi tena mambo yetu yasubiri, nimuombe yeye ndio afuate huo ushauri wa baba kwa Ric ili mimi nitulie na mambo ya familia kwa muda. Vin anaogopa kupoteza huyu mtoto. Hataki nifanye kosa. Na ninajua chochote kikitokea kwa huyu mtoto, anaweza kuchanganyikiwa. Nataka nimuombe awe na Ric karibu. Tena kutokea mwanzoni ili tusiharibu msingi wa familia yetu. Tusipitwe na hatua ya kila mtoto. Na kwa kuwa Ric anampenda, najua haitakuwa shida. Nimemuona anamshirikisha kila kitu anachotaka kufanya. Sasa kwa kuwa Vin hataki mimi nitoke, nitamuomba yeye ndio aende naye kwenye kutafuta hayo mashamba au viwanja. Tusipitwe na chochote kwenye maisha yake ili tuweze kumuongoza kama baba alivyoshauri. Najua kutakuwa na changamoto nyingi kwa kuwa tunaanza maisha na watoto wa pande mbili, lakini mimi na Vin hatujawahi kushindwa jambo.” Bella aliongea huku akitafakari.

“Mungu atawasaidia Bella, mwanangu. Ulezi ni mgumu kwa kila mzazi. Haijalishi watoto unawatoa kwa baba yupi. Wawe wa baba mmoja au tofauti. Uzazi ni mgumu na mbaya zaidi huwa kazi yake haiishi. Yaani mimi mwenyewe mpaka leo, nalazwa macho na haya mababa makubwa hivi. Mara umuwaze JJ. Wakati kwa hali halisi sikutakiwa niwe na wasiwasi naye hata kidogo. Amefanikiwa katika kila eneo. Lakini bado unajikuta hulali unamuwazia hili au lile. Ukija kwa Eno ndio usingizi hauji, unajiuliza kama amekula wakati huo. Mzima, amepata muda wa kutosha wa kupumzika. Huko barabarani atakuwa salama? Akipiga simu amechoka basi hapo ndio mawazo zaidi. Unajiuliza mbona hana raha, nini kinaendelea. Na unamjua Eno alivyo mkimya kama baba yake. Kulitoa jambo moyoni kwa Enno, si kazi ndogo. Haya ukija kwa Eli, ndio kabisaa. Usingizi hauji mpaka ujue amepanda kitandani kwake na yeye amelala. Elvin yeye awepo Bella. Tena Bella awepo kwenye maisha yake. Hapo mwanangu hana shida. Lakini Bella akiondoka, hakuna kulala mpaka Bella arudi ndio mtalala.” “Jamani mama. Poleni.” “Ndio ulezi huo Bella mwanangu. Kama sio hili ni lile. Lakini ukimtanguliza Mungu atawawezesha tu. Tunawaombea.” “Asante mama.” Wakatulia kidogo.

“Sasa na mjukuu wangu Tito?” Mwasha alivunja ukimya. Bella akacheka na kumtizama Tito. Alikuwa kimya, kama hayupo pale. “Heri huyu yeye maisha yake hayajawahi kusimama. Yanaendelea tokea anazaliwa mpaka sasa. Hakuna anayeweza kuyaingilia hata iweje. Na tumemuelewa hivyo.” “Sasa kama hapo anafanya nini?” Bella alitaka kucheka lakini akamgeukia Tito. “Eti mpenzi wangu Tito. Babu is asking.” “Estoy hacienda cosas differentes.” Akajibu moja kwa moja kwa lugha ya kispanish, kuashiria anasikia na kuelewa kila kitu. Bella alitingisha kichwa. Akajua kuna tatizo. Akishabadilisha lugha vile, ujue kuna dhida.

“Ndio nini hicho alichosema mbona unacheka mwenyewe?” Mama Mwasha aliuliza. “Hajalala usiku kucha. Hapo anausingizi ndio maana ameanza kuchanganya lugha. Amejibu amesema hivi, kwa tafsiri rahisi, anafanya vitu vyakuvutia, tofauti tofauti.” Bella alijibu huku akimwangalia. “Njoo hapa ulale mwanangu.” Tito aliwaangalia Mwasha na mkewe akarudisha macho kwa mama yake. “Njoo. Nitakukumbatia ulale.” Tito akanyanyuka na vifaa vyake akahamia kitandani kwa mama yake. Akaingia ndani ya shuka. Bella alipomgusa tu, tayari akapotelea usingizini.

Akamgeukia Mwasha na mkewe. “Huyu anaakili kama za Masha, kutengeneza pesa. Sasa kwa kuwa hapendi kuzungumza na watu na hawezi kuishi na watu wengine ila mimi tu, pesa yake yote amenunu share. Hisa. Amewekeza kwenye kampuni ya Microsoft. Angalau anasemaga Henry Gates ni mwanadamu pekee anaweza kumwamini kufanya naye kazi. Kuwa akawekeza kwenye kampuni yake akafanikiwa kuliko watu wengine ni wajinga sana. Kwa hiyo nusu ya urithi wake Masha amemuwekea kwenye hisa za Microsoft, nyingine ukimuona yupo busy hapo kwenye hiyo kitu na hataki umuongeleshe, labda mimi, ujue anauza na kununua pesa au hisa. Anatengeneza pesa hapo. Usimuone ametulia.” “Hawezekani Bella.” “Kweli. Humo mtandaoni wanajua wanafanya kazi na Enabella Masha. Anatumia jina langu kuuza na kununua pesa mbali mbali kila siku. Anaweza kununua Dolla, au pesa ya Uingereza na kuiuza mtandaoni kwa faida. Anajua ni saa ngapi anatakiwa kununua na saa ngapi anatakiwa kuuza. Anafanya forex exchange na pia yupo kwenye stock markert. Anatengeneza pesa kila akishika hiyo iPad yake. Alinisaidia sana kipindi Masha anaumwa. Ila wakati mwingine anacheza games zake.” Walibaki wanashangaa.

“Kafundishwa na nani?” “Masha mwenyewe alishangaa, alipomwita na kumfundisha.”  “Yaani Tito alimfundisha Masha.” Mama Mwasha bado alikuwa akishangaa. “Unafikiri kwa nini Masha aligeuka kuwa milionea kwa haraka? Ni yeye na mwanae huyu. Anajifunza yeye mwenyewe, halafu akawa anamfundisha na baba yake. Ndio maana unaona hamna anayehangaika naye. Anapokaa, ndipo ilipo ofisi yake. Mambo yake yote anafanya alipo. Ila anasema akili yake huwa haifanyi kazi kama mama yake hayupo. Eti hawezi kufikiria.” Wote walicheka.

“Sasa utafanyaje na huyo mtoto Bella?” “Si ndio maana namwambia baba amuombee. Namuhurumia mpaka basi. Kwanza mimi na Ric tulimshukuru Mungu alivyompenda Jesse. Angalau ameongezeka mtu mwingine. Sasa namchukulia taratibu sana kwa Elvin. Sijamwambia chochote kinachoendelea kati yetu, japo najua ameshajua. Kwa jana kumsifia Elvin, ni muujiza ambao haujawahi kutokea. Sifa zake ni kwa Ric na mimi tu. Hata Masha alikuwa hamsifii.” “Haiwezekani!?” “Wewe unamsikia Tito Masha. Kukuongelesha tu kwenyewe ni kazi. Leo akupe sifa!? Ujue kuna cha ajabu ulichofanya kikamgusa. Na anajua kuchunguza mtu, kwa kumtizama. Na anaweza kukujaribu mara nyingi sana, ili kukujua zaidi. Anaweza kukukera makusudi tu, ili akuone.” “Labda mwanangu kuna alichomfanyia akafurahi.”  Mama Mwasha akaongeza wakacheka. “Nitakuja kumuuliza Vin, ni kwa nini aseme hivyo. Tito sio mropokaji. Kuna kitu Elvin amemfanyia tu, kikamgusa.” Wakabaki kama wanawaza.

“Wanao wanakupenda sana Bella. Wanamuangalia kila mtu jinsi anavyoishi na wewe. Wapo makini kupita kiasi. Kuanzia jinsi watu wanavyokuongelesha, kukushika na kila jinsi mtu anavyohusika na wewe. Na wapo makini sana kuliangalia hilo. Na ni kama wameambiana. Huwa namwangalia Ric jinsi anavyotutizama tukizungumza na wewe. Na majibu utayaona usoni mwake. Kama amefurahishwa na hayo mazungumzo yaliyokuwa yakiendelea kati ya huyo mtu na mama yake au la. Kwa hiyo adui yako ndio adui wa kwanza wa hawa watoto wako, na anayekupenda wewe, ndiye watakaye mthamini. Haijalishi.” “Masikini wanangu. Masha aliniambia ameniachia walinzi watakao nilinda mpaka kifo. Unajua Tito alifunga biashara zake zote za mtandaoni kipindi Masha anaumwa?” “Kwa nini?” Mama Mwasha aliendelea kudodosa.

“Alinikuta siku hiyo nalia. Nimeshindwa kumsafirisha daktari kutoka nchini Urusi kuja pale Marekani kumwangalia Masha. Nilikuwa nimetumia kila pesa niliyonayo na yule daktari ndio alikuwa tumaini langu la mwisho. Tena na yeye akataka pesa nyingi sana. Nilirudi nyumbani nikawa nalia, sijui chakufanya. Nakumbuka siku hiyo nikapiga simu huku Tanzania kutaka kuzungumza na baba. Baba ulipokea, lakini nikashindwa kuongea. Sikujua nianze kuongea nini. Nikabaki nikilia tu, ukasikiliza kidogo tu, ukakata simu. Tena ilikuwa kama mara ya tatu unanikatia simu. Jamani nililia. Hapo sina tumaini. Ndio Tito akaja akanikuta nimelala sakafuni chooni. Akaniambia niangalie tena akaunti yangu. Nikamwambia haina pesa yakutosha garama zote. Akanilazimisha niangalie tena. Akanipa simu yangu, nikafungua akaunti nikakuta pesa nyingi sana. Nilichanganyikiwa. Ndio akaniambia ni yeye ameniwekea. Nisilie, nimpigie huyo daktari, nimwambie ajiandae na safari. Hawa watoto wanaweza kufanya chochote ili kunifanya niwe na furaha. Mpaka huwa nawahurumia. Wakati mwingine najiambia sijui walifundishwa na Masha?” Bella alianza kupoteza furaha. Akabaki amepooza sana. Masha alirudi mawazoni. Mwasha na mkewe wakajua.

“Masha anakujua jinsi unavyojisahau na kutojijali Bella. Ugomvi wetu mkubwa kati yetu na Masha ilikuwa kutokukujali wewe. Masha alikuwa akituchukia sana kwa hilo. Sasa naona amewafundisha wanae.” Mama Mwasha aliongeza. Bella hakujibu akabaki ameinama kama anafikiria kitu. Akaanza kulia. “Najua hamna anayeweza kunielewa. Lakini nammiss sana Masha.” “Hakuna mtu atakayeshindwa kukuelewa Bella mwanangu. Ni kweli Masha alikujali kuliko mtu yeyote hapa duniani. Amekupa watoto wazuri na kila kitu kizuri ulichowahi kutamani, Masha amekupa. Lazima uwe unamkumbuka.” “Asante mama.” Angalau katika hilo walikubaliana. Walikaa na Bella siku nzima wakiongea na kumpa moyo.

Mzee Mwasha alijieleza juu ya zile simu na kumuomba Bella msamaha kwa kuzikata mwanzoni bila kuzisikiliza. Lakini Bella alimshukuru sana kwa kwenda kule na Mama Mwasha alimshukuru pia kwa kumruhusu mumewe kumfuata yeye, tena wakiwa bado hawajajua ukweli. Ilipofika mchana, wakaondoka kutaka Bella apate muda wakupumzika.

*******************************************************
Bella aliruhusiwa jioni yake akiwa na nafuu kubwa sana. Elvin alimchuka yeye na Tito akamfuata Ric kazini ili warudi nyumbani rasmi. Walifika nyumbani ilishakuwa jioni. Aliwapeleka moja kwa moja mpaka nyumbani kwake. Elvin aliteremka kutoka upande wake akaenda moja kwa moja mpaka upande alipokuwa amekaa Bella, akambeba. Alimtoa Bella pale kwenye gari akiwa amembeba mpaka ndani. Ric ndiye aliyefungua mlango ili wapite. “Karibuni sana nyumbani.”

Waliwakuta Mwasha, mkewe na watoto wao wakiwasubiri mle ndani. JJ na mkewe waliwaleta na watoto wao watatu akiwepo Jesse rafiki wa Tito, ambaye ni mjukuu wa kike pekee kwenye familia hiyo. Jesse alipendwa na kila mtu. Na kila mtu alikuwa akimnunulia yeye zawadi.

*******************************************************
 Watoto wakike kwenye familia hiyo ndio walikuwa wakitakiwa, kwani Mwasha alizaa madume matupu, JJ naye ambaye ndiye kaka mkubwa na ndiye pekee aliyekuwa ameoa, japo ndoa ya msukosuko, ilitaka kuvunjika wakiwa na watoto wawili tu, tena madume. Mkewe aliposamehewa na kurudishwa nyumbani na JJ, alihangaika kwa wataalamu ilimradi amuongezee mtoto mmoja wakike ili amfurahishe mumewe na wakweze. Na kweli Mungu alimsaidia Diva akampata Jesse, kipenzi cha kila mtu mpaka Tito. Akawa ameongezeka mtu wa pili anayeweza kushika mikono ya Tito bila shida, mbali na Bella, mama yake. Wakati wote Bella alimtizama Tito na Jesse, akamkumbuka Masha, na kutingisha kichwa. “Anapenda vitu vizuri huyu! Kama baba yake.” Ndio ulikuwa usemi wa Bella. Jesse alikuwa mtoto mzuri sana, alifanana sana na mama yake, kama mapacha.

*******************************************************

Nyumba ilikuwa safi sana. Walipaandaa maalumu kwa kumkaribisha Bella nyumbani hapo kwa Elvin na kumpa pongezi ya ujauzito. Kulijazwa vyakula mbalimbali kama kwenye sherehe. Familia hiyo walikula na kunywa huku wakitaniana kwa muda mrefu sana. Hakuna aliyetaka kuondoka. Baada ya familia hiyo kubwa, yenye umoja na ushirikiano kula na kunywa waliwapisha Elvin na familia yake.

Elvin na watoto walishahamisha kila kitu usiku uliopita. Tito alikipokea hicho chumba alichopewa, lakini alimwandikia mama yake vitu anavyohitaji kurekebishwa kwenye kile chumba, angalau kifanane kidogo na chumba chake.

“Twende ukaone chumba changu, mama.” Ric alimfuta mama yake pale alipokuwa amekaa kwenye kochi. Bella akasimama. “Mine first, mommie.” Tito alilalamika. “It has a lot of cool stuff, Elvin gave to me. I can do my reseach in my room. Its big and I have enough space.” Bella alipumua kwa furaha baada yakuona Tito amepakubali pale. “It’s not like my home room, though.” Alianza tena. “I know, but this will do for now, baby.” “Yes mommie. It needs some changes. I wrote everything down.” “We will fix it as soon as possible, so you can be comfortable.” “Thank you mommie. You know I love you, right?” Ni usemi aliokuwa akirudia kwa mama yake bila kuchoka. Na ndiye mtu Tito alimpenda bila sababu. Alimuona mama yake kama Mungu. “I know baby. I love you too.” Tito alicheka kwa furaha. “Thank you, mommie. Am I going to be your baby forever?” Wivu wa mtoto mpya ulimuanza. “You are always going to be my baby. No matter what.” Tito alizidi kufurahi. “I knew it!” Alimsogelea na kumkumbatia mama yake. “Now, let’s go see my room.” Alimshika mkono mama yake huku Elvin na Ric wakiwafuata nyuma kwa mbali kidogo, wasije kuharibu. Maana kumkorofisha Tito hakuchukui muda mrefu. Kwa kitendo cha kukubali hicho chumba tu, hata Ric alishukuru sana. Bella hakuwa amezunguka katika ile nyumba kabisa. Ndipo alipopata muda wakuangalia. Akaenda mpaka chumbani kwa Ric. Hata yeye akaridhika.

*******************************************************
Elvin alijenga hiyo nyumba kutokana na vile alivyomuona Bella akiishi na Masha. Mazingira aliyomuona Masha akimuweka Bella na wanae. Nyumba alizokuwa akimuona Masha akizimiliki. Hakuwa na nyumba, ilimaradi nyumba. Au chumba ilimradi chumba. Vyumba vya kwenye nyumba za Masha vilitengenezwa kwa kujitosheleza. Sehemu za nguo na kuwekea viatu vilikuwa vyumba vikubwa, tena ndani ya kila chumba. Vikubwa na vyenye nafasi ndio maana Tito alikipenda chumba chake. Kilifanana kidogo na mazingira ya chumba alichokuwa akikuwa na kukimiliki, tofauti ubora wa vitu vya humo ndani na ukubwa tu. Lakini si muundo.

*******************************************************
“Umejitahidi sana Vin. Hongera.” “Nimefurahi kama watoto wamepafurahia. Twende sasa chumbani kwetu na sisi.” Elvin aliinama nakuanza kumbusu Bella. “Nimefurahi sana, Bella. Bado siamini kama umebeba mtoto wangu.” “Na mimi nimefurahi Vin. Niliogopa sana nilipojigundua nimepata mimba. Lakini naona sasa hivi kila mtu anamsubiria huyu mtoto, mpaka Tito! Nimezidi kufurahi. Mungu amsaidie azaliwe salama.” “Twende tukamkaribishe na yeye nyumbani.” Bella alicheka sana. “Elvin wewe!” “Daah! Ulinionjesha tu Bella. Yaani umeniacha pagumu kweli. Nilikuwa natamani tuongee, tuwekane sawa ili niombe tena.” “Mimi mwenyewe nataka tena.” Elvin alimvutia chumbani.

*******************************************************
Diva alikuwa amekiandaa chumba vizuri sana. Alikijaza maua rose, kila kona na kumwagia maua yaliyochambuliwa kitandani na bafuni ndani ya sinki. Yote hayo kumfurahisha Bella waliyejua ametunzwa na Masha kwa hali ya juu sana. Walijua ni mapenzi tu ndio yanamfanya Bella aendelee kuwa nao, lakini kwa vile alivyofikishwa kimaisha na Masha, ingekuwa mtu mwingine asinge hangaika nao tena. Eti kuamka asubuhi kuandaa kifungua kinywa cha Mzee Mwasha, ilimgusa kila mtu nakubaki wakimtizama Bella mara mbili mbili. Walihisi angebadilika baada ya kugundua mapesa aliyoachiwa na Masha, lakini ni kama hakuwa yeye. Alibaki vile vile mpole na mnyenyekevu. Hata Eli aliyeshuhudia Bella anaingia kwenye umilionea hakuamini kama anaweza kuomba msamaha wa magoti na machozi kwa Elvin. Iliwashangaza sana.

*******************************************************

“Mbona chumba kimependeza hivi? Nani kapamba?” “Atakuwa Diva huyo. Ndiye aliyepanga yote haya, kukukaribisha nyumbani rasmi. Alimuomba mama, mama akasema ni wazo zuri. Utafurahia.” “Lakini nataka na wewe unikaribishe.” Bella alishaanza kuvua nguo za Elvin, huku akilamba midomo yake kama kawaida yake. Lakini safari hii alifanya mapenzi na mwanaume aliyekuwa kila akimgusa, aliamsha hisia zake. Elvin naye hakuwahi kupata mwanamke mtundu kitandani kama Bella. Tokea siku ya kwanza walipofanya mapenzi na Bella, ndipo alipotambua na kumuelewa Masha. Alijua ni kwa nini Masha aliapa kutomuacha Bella, na kubaki akimng’ang’ania mpaka kifo. Bella alijua kutendea haki mapenzi, na hakuwa na papara. Usiku ule wote wawili walilala wakiwa wamejawa furaha.

“Harusi ya Enabella na Elvin”
Baada ya majuma mawili tu, kaka zake Elvin waliandaa sherehe nzuri kwa ajili ya Bella na Elvin. Walialika watu wachache, wakabariki ndoa yao. Bella akiwa amependeza sana kama kawaida yake na Elvin mwingi wafuraha. Tito na Ric ilibidi wawepo kwenye fungate. Ric kama mlezi wa Tito ambaye hawezi kuishi mbali na mama yake.

Waliondoka nchini Elvin, Bella na wanae kuelekea nchini Malaysia, kwenye visiwa vya Redang. Walipata ‘The Taaras Beach & Spa Resort’ . Hoteli nzuri sana ambayo ilijengwa pembeni kabisa ya bahari. Ric na Tito walichukua chumba chao, pembeni ya wanandoa hao wapya, Elvin na Enabella. Hata watoto wake waliona vile mama yao alivyokuwa amejawa furaha. Hoteli ilikuwa na vitu vingi vya kufurahisha. Elvin alibaki akikumbuka wakati mzuri aliokuwa nao enzi za uhai wa Eric. Mambo waliyokuwa wakiyafanya pamoja.

Ilikuwa tofauti kwa watoto hao wa Masha. Walipofika hapo hotelini, kila mmoja alionekana akiwa na shuguli zake. Hakuna kufuatana nyuma na kila mtu alikuwa busy na laptop yake au iPad. Elvin akawaacha siku ya kwanza. Wakapata muda mzuri sana na Bella. Hawakuwa watoto wakusumbua. Ilimradi chakula cha usiku walikula na mama yao pamoja, siku nzima hawakusumbua huko kwenye chumba cha honeymoon. Elvin alikusudia kubadilisha ile hali.

Siku ya pili ikawa hivyo hivyo. Siku ya tatu, akamwambia Bella, wasipate tena kifungua kinywa vyumbani. Watoke wakale kwenye mgahawa wa ile hoteli pamoja na watoto. Baada ya kubishana kwa muda, Bella akitaka wawaache tu wasiwasumbue, Elvin alisisitiza lazima wawe pamoja. Mwishowe Bella alitoka kuwafuata wanae akiwa na wasiwasi, kwa kuwa alijua aina ya wanae, hawataki kuingiliwa katika mipango yao. Akawaambia Elvin ameomba watoke wakapate kifungua kinywa kwa pamoja. “I can’t. Am busy.” “Tell him later.” Wote wakajibu na kurudisha macho yao kwenye laptop zao. Bella alisimama pale kwa muda akatoka kurudi chumbani kwao.

“Mimi naona tuwaache tu Vin. Kwanza ndio vizuri tunapata muda wetu.” “Nafahamu. Lakini Bella, tunataka familia moja. Unakumbuka furaha tuliyokuwa nayo tulipokuwa sehemu kama hizi na Eric?” “Nakumbuka, lakini hawa watoto ni watofauti Vin.” “Nafahamu. Ila hufikiri labda ni kwa vile mlivyowalea? Naomba niunge mkono. Nilifurahia maisha yetu ya zamani Bella. Mimi, wewe na Eric.” Bella alianza kulia. “Wewe unanijua Vin. Napenda Fun. Napenda kucheza, lakini nilikutana na Masha hapendi uchafu. Ikabidi kubadilika. I miss Eric so much.” “Tunaweza kurudisha yale maisha Bella. Na tukafurahia tena.” Bella alicheka akafuta machozi. “Unafikiri hivyo?” “Kabisa Bella. Inaweza kuchukua muda, lakini tukiungana mkono, tutafanikiwa.” “Sawa.” Wakakubaliana.

“Basi usiku tuzungumze nao.” “Wanao wanaakili sana Bella. Kila kitu unachowaambia cha kwanza wanaki reason. Furaha yeyote inayotokana na michezo hutakiwi kuifikiria sana bali kufanya baada ya kujua nini cha kufanya. Lakini wanao ukiwaambia tu tucheze, wanawaza madhara.  Tito anaogopa kushika kila kitu sababu ya kuhofia magonjwa, lakini hafikirii furaha atakayopata kwenye ule mchezo. Ric ukimwambia kucheza, anataka akute viwanja vilivyojengwa maalumu kwa ajili ya huo mchezo. Ili asiumie. Au hata akiumia basi kuwe na boksi la first aid. Yaani  kuwe na mazingira ya kuokolewa pindi atakapo umia na si vinginevyo. Naelewa kabisa kwa kuwa amekuzwa na Masha. Na ndio maana mpaka hivi tunavyozungumza, japokuwa Ric ni mwanamichezo mzuri sana, lakini hajawahi kucheza mchezo wowote hapa nchini. Kwa kuwa hajakutana na viwanja angalau vinavyofanana na vile viwanja ambavyo baba yake alivyokuwa amemtengenezea nyumbani kwao.” Bella alicheka akainama.

“Lakini hiyo unaweza kuibadilisha Bella. Kama unataka wanao wafurahie maisha, lazima kubadilika. Sasa leo naomba uniunge mkono. Nje jua ni zuri. Hali ya hewa inavutia kucheza baharini. Hatujui kesho itakuaje.”  “Unataka kufanya nini wakati wamekataa?” “Naomba niingie chumbani kwao, na wewe vaa nguo za kuogelea. Nitazungumza nao.” Wakabadili nguo.

Wote wakavaa nguo za kuogelea. Wakapata kifungua kinywa hapo chumbani. Wao wawili tu, ndipo wakaenda chumbani kwa kina Tito. Waliwakuta kila mtu yupo kitandani kwake na headphone masikioni. Walinyanyua uso mama yao na Elvin walipoingia, wakabaki wakiwatizama. “Hey guys!” Bella alisalimia kwa wasiwasi. “Aren’t you suppose to be in yur honeymoon or something?” Ric aliuliza. “Yes. But..” Elvin alijibu na kukaa kwenye kitanda cha Ric.

“Nataka kuwaambia habari ya Eric. Mnamfahamu Eric?” Aliwauliza, wakaangaliana na kumwangalia mama yao, kisha wakarudisha macho kwa Elvin. “a little.” Wote walijibu kuwa wanamfahamu kidogo tu. “Eric alikuwa mdogo wake mama yenu. Anafanana sana na wewe Ric. Mtu anayemfahamu Eric, anaweza kusema ni wewe Ric. Tulikuwa tukitoka na kwenda sehemu za mapumziko kama hivi tulivyokuwa hapa na nyinyi. Eric alitufundisha mambo mengi mazuri sana yakufanya. Tulikuwa wote tunakuwa na wakati mzuri sana tunapokuwa mbali na nyumbani.” “I thought you two need time alone! We didn’t want to interrupt.” Ric alimkata. “Ndiyo na pia kwa kuwa na nyinyi mpo hapa, ningependa tufurahi pamoja. Uwepo wenu hapa unamaana kubwa sana kwetu. Ni baraka. Kwa hiyo kama mtakuwa na nafasi, naomba mtufuate kwenye pool.” “I hate public pool. Everyone pee in there.” Tito alijibu kwa jeuri akijua ameokoka na hilo.

“Kuna mambo mengi sana tunaweza kufanya pamoja Tito.” Elvin aliendelea. “Like what?” “Naweza nikakununulia gloves ukavaa tukacheza mpira. Volleyball. Tukaunda timu mbili. Mimi na Ric, halafu ukawa wewe na mama yako.” Tito akacheka, wakajua amekubali. “I have to change then.” Bella alivuta pumzi kwa nguvu. “Thanks.” Alimshukuru Elvin kwa kunong’ona. Baada ya nusu saa wote walikuwa baharini wakicheza. Bella alishangaa wanae vile wanavyocheka mpaka machozi. Tito ambaye hakuwahi hata kushika mpira, wakashangaa siku hiyo anacheza. Walikaa baharini mpaka jioni ndipo wakaanza kurudi ndani.

“What else you got, Elvin?” Tito akauliza. Bella na Ric wakaangaliana. Wakajua amefurahia. “Najua leo mmechoka sana. Kesho tutaendelea. Tutafanya kitu kingine.” “Not really. Baada ya kuoga, mnaweza kuja chumbani kwetu nikawafundisha game, tukacheza pamoja. Ila mimi na mama tutakuwa timu moja.” Wote wakakubaliana na Tito.

Baada ya siku tano, Elvin alishatengeneza familia moja. Vicheko vilitawala. Hakuna aliyetaka kurudi nyumbani. Kwa mara ya kwanza walimuona Tito akicheka sana kama mtoto mwingine wa kawaida tu. Aliweza kuogelea baharini baada ya Elvin kumshawishi na kumwambia kwa kuwa maji ya bahari yana chumvi, hawezi kuugua magonjwa. Yanaua vijidudu. Ndipo Tito akakubali kuogelea na familia hiyo mpya. Iliyoundwa ndani ya hiyo honeymoon.

Usiku walikuwa wakipata muda wa peke yao. Elvin alikuwa akifurahia sana muda huo anapokuwa na Bella hapo kitandani. Si watoto tu walikuwa wakimtaka mama yao aongeze siku kisiwani hapo, hata Elvin. Siku ya mwisho ambayo walitakiwa waondoke Elvin aligoma kutoka hapo kitandani. “Tutakufa masikini, tukiendekeza kitanda Vin.” “Tuongeze hata siku moja tu. Nakuahidi kesho kutwa kweli tunarudi. Nitabadilisha kwa mara ya mwisho tiketi zetu za kurudi nyumbani. Nafurahia jinsi nilivyo na mahusiano na hawa watoto Bella.” “Tito anacheka!” “Sasa je? Tuongeze siku moja.” “Mmmh! Nina wasiwasi na wewe Vin. Wewe ndio umenogewa na hiki kitanda.” Elvin alicheka. Bella aliingia ndani ya shuka, moja kwa moja mwilini kwa Elvin. “Hii ni kwa kurudisha furaha kwa wanangu.” Bella aliongea akiwa ndani ya shuka hilo. Akamsihia Elvin akianza kugugumia. “Kwa mwendo huu, nitakuwa sitaki kuondoka huku, Bella.” Bella hakutoka, aliendelea kucheka ndani ya lile shuka huku akimpagawisha Elvin.

********************************************************

Kila mtu alishangaa vile Elvin alivyorudi na familia hiyo. Walitoka uwanja wa ndege wakiwa wamejawa vicheko. JJ, Diva, Eli, Mwasha na mkewe waliokuwa wamefika uwanjani hapo kuwapokea, walibaki hawaamini. Walikuwa wakitaniana na kucheka kama sio watoto wa Masha.

Ni kweli ndoa ina baraka zake. Ni kama Mungu alishusha baraka mpya kwa Bella na Elvin. Hali ya kumcha Mungu ikarudi. Kila siku usiku walikaa pamoja na kuomba kama familia. Elvin aliendelea kutoka na Ric kwenda kazini mpaka hali ya Bella ilipotengemaa kabisa ndipo na yeye akaungana nao kufanya kazi. Walifuata ushauri wa Mwasha, baba yao. Wakawa bega kwa bega na Ric. Kama Bella hakuwa naye kwenye mambo yake, basi Elvin alihakikisha hakosi. Walizunguka naye kuhakikisha anafanya mambo sahihi.

 Enabella na uzazi.
Miezi 9 ya ujauzito wa Bella ulipotimia, alijifungua salama mtoto wa kiume mwingine ambaye alikuwa kama pacha wa Ric. Ndani ya siku arobaini baada yakujifungua, akawa ameshika mimba nyingine. Walikubaliana wafiche hiyo aibu kwa muda mpaka angalau mtoto afikishe hata miezi mitatu ndipo angalau waseme, lakini Bella alianza kujaza mate tena mdomoni, mpaka kila aliyekuwa akija kumuona mtoto mchanga alijua ni mjamzito. “Hivi nyinyi, mnajua kuna njia za uzazi wa mpango salama?” JJ aliwauliza jioni hiyo walipokuwa wamekusanyika nyumbani kwa Elvin. “Ni Vin, huyo! Sio mimi kaka JJ.” Bella alijitetea nakufanya kila mtu acheke. “Mkubwa jalala.” Elvin alijibu nakuondoka.

Bella alimuunganishia watoto Elvin wa mchana na usiku, mpaka Diva alipoenda kumfuata Bella na kumpeleka hospitalini kupata ushauri wa njia ya mpango wa uzazi salama kwake. Wapili naye alipofikisha miezi mitatu tu, tayari Bella alishashika mimba nyingine. “Lakini afadhali huyu tumejitahidi. Si eti mama eeh?” Mama Mwasha alibaki akitingisha kichwa. Alizaa watoto wakike wawili na wakiume mmoja ambaye alikuwa wakwanza wa Elvin. Watoto wake wote walikuwa wakifanana na Bella mpaka ukucha. Jumla wakawa na watoto watano. Ni Tito peke yake ndiye alikuwa na sura ya tofauti ya Masha, lakini watoto wote mpaka Ric walifanana na mama yao.

Mwasha alihakikisha Bella na Elvin wanarudi kanisani na kusimama kwenye Imani, hasa Bella. Alisema ikiwa atafanikiwa kumsaidia Bella kuwa karibu na Mungu, akamuelewa ipasavyo,  atapata roho za wale watoto watano na Elvin atakaa kanisani. Aliona umuhimu wa mwanamke muombaji. Alimfundisha Bella kuomba, na kumfanya Bella awe akiomba kila wakati. Alihakikisha anamshika Bella mkono ili asianguke tena. Alilea watoto wake bila shida, huku akiishi pale pale karibu na Mzee Mwasha. Mapenzi kwa Mzee Mwasha yalirudi akawa baba wa ukweli. Hakuna jinsi ungejua kama Bella hakuzaliwa na Mzee Mwasha. Bado alimuita JJ na Eno kaka wala si shemeji. Kwa hiyo kama mtu akifika pale walijua ni familia ya watoto watano na kiziwanda ndiye Bella.

********************************************************

Ndani ya juma moja baada ya Tito kujiunga na shule ya kina Jesse, alishindwa. JJ alihangaika sana kupata nafasi hiyo. Na alipopata tu akamwambia Elvin aende akalipie. Walishangaa siku hiyo ya Alhamis asubuhi wakati Bella na Elvin wamelala, kabla hata muda wake wa shule haujafika alienda kugonga mlangoni anataka kuongea na mama yake. Bella akakaa. “What sweetheart!” Bella aliuliza kwa upole. “Am done with that school.” “Do you mean, you are not going anymore?” “Never.” Tito alijibu kishari. “You wanna talk about it?” Bella aliendelea kuuliza kwa upole. “There is nothing to talk.” “Okay sweetheart.” Elvin alishalipa ada ya mwaka mzima, akabaki ameduwaa pale kitandani. Lakini Bella hakutaka hata kumuuliza kwa nini. Alitoka bila hata kugeuka nyuma na kumuacha Elvin na Bella wakekaa kitandani.

Jioni yake wakiwa wote nyumbani kwa Mama Mwasha wanasubiria chakula cha usiku, Bella wakitaniana na Eli kama kawaida yao na kuchekesha kila mtu, JJ aliingia akitokea kazini. Akashangaa kuambiwa na Bella Tito ameacha shule. Kila mtu alishangaa sana. Lakini Bella aliwaambia hata hizo siku tatu alizokwenda amejitahidi sana, na kwa kuwa hajapigiwa simu yoyote kutoka shuleni, ni afadhali wamuache tu kabla hajafanya jambo la hatari na anafikiria kwenda kutoa sadaka ya shukurani kanisani.

“Kwa nini?” JJ alikuwa kwenye mshtuko. Hakuamini kama ada yote ile imeisha hivi hivi na Bella hana mpango wa kumlazimisha huyo mtoto arudi shule. “Yaani huyo Tito, kaka JJ, nilimwambia hata Elvin  asijaribu kumlazimisha hata kidogo. Anaweza kuchoma moto shule nzima. Kule kwenye shule ya mwisho alipokuwa anasoma, alichoma maktaba ya shule, bahati nzuri kabla moto haujasambaa sana ukazimwa. Ndio Masha akasema asirudishwe tena shuleni. Ajisome tu nyumbani, tena yeye mwenyewe.” “Haiwezekani Bella! Sasa kwa nini?” Kila mtu hakuwa akielewa.

“Alisema wanafundisha vitu vya watoto wadogo, halafu mwalimu haelewi anachoongea. Masha akamwambia aende hivyo hivyo akirudi nyumbani awe anajisomea. Ili angalau awe mtoto wa kawaida. Akakataa katakata. Si unamjua Masha? Akamlazimisha. Hutujakaa sawa, Masha yupo katikati ya kikao anapigiwa simu. Ikabidi akimbilie shuleni.” “Alipofi akamfanyaje?” “Wewe si unamkumbuka Masha alivyokuwa, ndivyo Tito alivyo. Hana anachoogopa isipokuwa mimi tu. Yaani Masha na ukorofi wake wote, pale alifika mwisho akawa ananituma kwa yule mtoto. Masha anasema alikuwa akiwajibu mbovu wale police na wazima moto, mpaka walibaki wanajiuliza umri wake. Tena alikiri mwenyewe kuwa yeye ndiye amechoma, na akawaonyesha kile cha kuwashia moto. Alikichukua  nyumbani siku hiyo asubuhi wakati anapelekwa shule. Ikabidi Masha ajenge ile maktaba upya.” Kila mtu alikuwa akishangaa.

“Sasa na wewe ukamfanyaje?” Eli akahoji huku akishangaa sana. “Nilimkasirikia siku tatu. Sikuongea naye kabisa. Na nikahamia kulala hotelini, kwa siku hizo zote tatu. Masha alisema hiyo ndio adhabu ilikuwa ikimstahili.” “Haiwezekani Bella! Ndio adhabu gani hiyo kwa kosa lote hilo.” Elvin alihoji. “Wewe si unaishi naye ? Utamuona. Labda Mungu aendelee kumbadilisha. Yaani Masha alikuwa anasema Mungu amempa yule mtoto kumuadhibu. Hamna kitu chakumtisha Tito, ila mimi tu. Hawezi kulala sehemu bila mimi. Wewe mwenyewe si umemuona alichokufanyia wakati nimelazwa? Mmeondoka hospitalini saa sita, saa kumi amekuja kukugongea mrudishe kwangu. Na anasema hakuwa amelala, alikuwa anafanya kazi zake hapo chumbani mpaka hiyo saa kumi ya asubuhi.” “Yaani siku ile hakulala?” “Nakwambia hawezi kulala bila mimi.” Hakuna aliyekuwa anaelewa.

 “Sasa ulipoondoka hizo siku tatu alikuwa akifanyaje?” JJ aliuliza. “Tuliondoka mimi, Ric na Masha. Tena nikamwambia hiyo ndio adhabu yake, akifanya kosa jingine sitamsamehe, nitaondoka sitarudi tena. Nilimwambia nampa muda wa siku saba akae pale nyumbani afikirie anataka kuwa mtoto wa namna gani. Unafikiri hizo siku saba zilifika?” “Alifanyaje tena?” “Tulimwacha na Butler wetu, alitupigia simu siku hiyo ya tatu asubuhi sana kuwa Tito alikuwa akilia sana tokea tunaondoka mpaka siku hiyo asubuhi. Akapandisha homa, ikawa kali sana. Ikabidi aitiwe daktari wake pale nyumbani. Ndipo ikabidi turudi nyumbani. Alikuwa akilia huku amepiga magoti ananiomba msamaha mimi sio Masha, huku akiniambia atakufa kama nikimuacha pale peke yake na kama sitamsamehe. Basi ikabidi tena mimi ndio nimuhudumie, kwa kuwa hakutaka hata Masha amguse akawa amemkasirikia Masha. Anamwambia eti kwa nini ameniambia mimi, anataka kumuharibia maisha yake. Dad wake hampendi. Angemaliza kila kitu pale shuleni yakaisha. Kwa nini aliniambia mimi na kunihuzunisha. Nikikwambia alimkasirikia Masha, ni alimkasirikia kabisa. Akawa anamsalimia basi, tena mimi nikiwepo. Nisipokuwepo anampita kama hamjui. Akamziria kila kitu anachompa, hataki. Tena kwa muda mrefu mpaka nilipomlazimisha.” “Yaani kosa la baba yake ni kukwambia wewe na kukuhuzunisha! Na kosa lake la kuchoma maktaba?” Eli aliendelea kuuliza na kumfanya Bella acheke.
“Aliwaambia wale polisi na wazima moto, ule ulikuwa msaada aliowapa ile shule. Kwa kuwa vile vitabu vilikuwa vya kitoto sana. Wanaharibu akili za watoto. Akaulizwa kama mtoto hata mmoja angekufa kwa ule moto, angejisikiaje? Akawauliza eti nyinyi mnajua maana ya milango ya dharula? Wale polisi wakabaki kimya. Akawaambia kazi yake ni kwa ajili ya siku kama hizo endapo wangeshindwa kutumia milango ya kawaida.” “Haiwezekani Bella!” Bella alikuwa akicheka mpaka machozi.

“Si unajua jinsi anavyoongea huku anakuangalia machoni bila kupepesa macho? Basi ndivyo hivyo hivyo alivyowafanyia wale polisi na zima moto wakizungu, tena bila hofu. Masha alikuwa anasema alitamani kumpiga pale pale lakini Tito alimuwahi kwa kumwambia, ‘Najua umekasirika sana kwa kuwa hukubaliani na kitendo changu. Na mimi sijisikii kuongea na wewe sasa hivi ili kukufanya ukubaliane na mimi, nataka unirudishe nyumbani’. Masha alisema aliishiwa nguvu akabaki akimtizama. Akaondoka huku akiwaambia wale polisi, ‘Sidhani kama mnaswali jingine, kwa kuwa hata hayo maswali mliyoniuliza mnaonekana wazi sio wataalamu wa hiyo kazi yenu. Mmeniuliza maswali ya kijinga na yakipuuzi matupu’. Akaondoka. Unaambiwa wale wazungu walibaki wekundu. Ndio Masha ikabidi aombe msamaha na kuahidi kujenga ile maktaba na kuwapa pesa za ziada. Unajua iliamriwa na mahakama apelekwe kwa wataalamu wa kuzungumza naye na akaenda kupimwa akili? Kwa amri ya mahakama.” “Bella!” “Kabisa. Lakini akakutwa mzimaa, na huyo canceler aliyepewa azungumze naye mwenyewe alimshindwa, akaamua kuandika kuwa Tito amemaliza vipindi vyote alivyotakiwa ahudhurie.” “Alikuwa akifanyaje?” “Akifika huko kwenye ofisi ya canceler anabadili lugha kabisa. Anajifanya hawezi kuongea kingereza labda anaongea ki Spanish tu. Akitafutwa mkalimani wa hiyo lugha anaongea lugha nyingine labda kifaransa. Mbona walimuacha tu.” Wote walianza kucheka.

“Haiwezekani Bella!”  “Nikumuombea tu. Naamini atabadilika. Hata hivyo amebadilika sana. Tito sio mtu wakuishi haya maisha hata kidogo. Masha alimpa maisha ya hali ya juu sana. Hakuwahi kujua kama kuna shida hapa duniani. Ndio maana baba yake anasisitiza sana juu yake. Naamini Mungu ameanza kumbadilisha mwanangu. Muulizeni Elvin tulipokuwa nchini Malaysia. Alibadika sana.” “Hata sasa amebadilika. Tito anakubali kutoka chumbani kuja sebleni kuomba na sisi! Tena anashikana mikono bila shida. Kila siku. Akitukuta tunacheza mpira wa miguu pale nje na Ric, anaomba tucheze naye.” Elvin alimtetea. “Kweli ameanza kubadilika!” JJ aliongeza. “Mimi najua baba anamuombea hata kama hasemi. Baba anaomba. Huyu sio Tito yule. Muulize Ric atawasimulia habari zake. Hutakaa ukaamini. Mungu anambadilisha na ninaona pia Elvin anamjulia. ” Bella alikuwa akicheka wakati wengine walikuwa hawaamini. Ric naye aliwasimulia vituko vingine vya Tito, kila mtu alikuwa akishangaa na kucheka.

******************************************************

Maisha ya Enabella na Elvin yalijaa baraka na furaha. Elvin akiwa ameoa mwanamke aliyekuwa akimpenda sana na Mungu alimpa watoto watatu kutoka kwa Enabella, na Enabella akiwa na amani na utulivu wakupokelewa na familia ya Mwasha, waliyokuwa wakijua maisha yake ya zamani lakini bado waliendelea kumpenda na kuwahesabu wale watoto wake wote watano kama kina Mwasha, japokuwa Ric na Tito waliendelea kutumia jina la baba yao Masha.


***********************MWISHO*********************